जिल्हा मजूर संघाचे अध्यक्षपद म्हणजे वेहेळगाव व वंजारी समाजाचा गौरव .!

सा.शनैश्वर टाइम्स वृत्तसेवा

नांदगाव - संतोष कांदे

राज्याचे विरोधी पक्षनेते अजितदादा पवार,माजी पालकमंत्री छगनराव भुजबळ यांनी व्युहरचना करून ही मोठ्या चुरशीच्या वातावरणात झालेल्या जिल्हा मजूर संघाच्या निवडणुकीत थेट जिल्हा अध्यक्ष पद पटकावलेल्या वेहेळगाव चे माजी सरपंच प्रमोद (गुलाब) भाबड यांचा सत्कार जळगाव बुद्रक च्या शिष्टमंडळाने आमदार सुहास कांदे यांच्या संपर्क कार्यालयात केला.

     भारताच्या स्वातंत्र्य लढ्यात महत्वपूर्ण भूमिका बजावलेल्या व त्यानंतर जिल्ह्यात गोरगरीब जनतेसाठी शिक्षणाची सोय व्हावी म्हणून शिक्षणसंस्था सुरु करणारे क्रांतिवीर वसंतराव नाईक यांच्या वेहेळगाव गावात सरपंच पद भूषवलेले प्रमोद भाबड यांनी आपल्या मितभाषी स्वभावामुळे या जिल्हा स्तरीय पदाला गवसनी घातली आहे.

      क्रांतिवीर नाईक यांना राज्य परिवहन मंडळाची संघटना असलेल्या इंटक चे अध्यक्षपद भूषवले होते,त्यानंतर इतक्या मोठया कालावधीनंतर श्री.भाबड यांच्या रूपाने वेहेळगाव ला व वंजारी समाजाला हा मान मिळाला आहे.

   यावेळी जिल्हाप्रमुख किरण देवरे, सरपंच शरद गिते,उपसरपंच विश्वनाथ कांदे,दत्तू कांदे,नामदेव गिते,रमेश गिते,पुंजाराम पथे, चिंधा गावंडे,संतोष कांदे,नवनाथ कांदे आदी उपस्थित होते.