श्री.शनी देवता चरणी लाखो भाविक नतमस्तक.... कोरोना काळा नंतर प्रथमच इतक्या भाविकांची उपस्थिती...सरचिटणीस अँड.आहेर यांची प्रतिक्रिया

 सा.शनैश्वर टाइम्स वृत्तसेवा

नांदगाव - संतोष कांदे

   प्रभू रामचंद्र यांच्या पदस्पर्श व हस्ते स्थापन झालेल्या तालुक्यातील नस्तनपुर श्री.शनी देवतेची यात्रा मोठ्या उत्साहात व भक्तीपूर्ण वातावरणात संपन्न झाली.

      श्री.शनी अमावस्याचे निमित्त साधून या ठिकाणी लाखो शनी भक्तांनी पहाटे पासून गर्दी करण्यास सुरुवात केली होती.यावेळी दुपारची आरती संजीवनी शैक्षणिक समूह, कोपरगाव चे प्रमुख अमित कोल्हे व सौ.कोल्हे यांचे शुभ हस्ते करण्यात आली.

            याप्रसंगी संस्थानच्या वतीने त्यांचा सत्कार करण्यात आला. यावेळी संस्थानचे जनरल सेक्रेटरी तथा माजी आमदार अँड.अनिल आहेर, उदय पवार, रंजन आहेर, महेश आहेर, सनी आहेर ,सुनिल पवार आदी उपस्थित होते.

  दरम्यान यात्रा काळात होणारी प्रचंड गर्दी लक्षात घेता संस्थनच्या वतीने भाविकांसाठी विविध उपाययोजना करण्यात आल्या होत्या. त्यात प्रमुख्याने जागोजागी पिण्याचे शुद्ध पाणी, अपात कालीन वैद्यकीय उपचार , दर्शन रांगेतील भाविकांसाठी बरिकेटींग , वरुन सावलीसाठी छत ,पायाला उष्णता लागु नये म्हणुन म्याट , मार्गदर्शक फलक, ध्वनीक्षेपकवरून सूचना व मार्गद्शन, पोलीस सुरक्षा, अभिषेक्साठी स्वतंत्र व्यवस्था,सर्व बाजूंना वेगवेगळे वाहनतळ, दुकानांसाठी शिस्तबध्द आखणी करून व्यवस्था, देणगी काऊंटर, बस स्टँड, आरतीची थेट प्रक्षेपण, जागोजागी एलईडी स्क्रीन, प्रसाद काऊंटर, विनम्र सेवक वर्ग, ईत्यादी सुविधा उपलब्ध करून देण्यात आल्या होत्या. संपूर्ण महाराष्ट्रातून आलेल्या लाखो भाविकांनी आज दर्शनाचा लाभ घेतला. संस्थेचे जनरल सेक्रेटरी अँड अनिलदादा आहेर यांचे सह सर्व विश्वस्त दिवसभर यात्राकाळात व्यवस्था पाहण्यासाठी तळ ठोकून  होते.