मोरझर च्या सरपंच सौ.पाटील आदर्श कृषी माऊली पुरस्काराने सन्मानित.!

सा.शनैश्वर टाइम्स वृत्तसेवा

नांदगाव - संतोष कांदे

 राज्याच्या ग्रामीण भागातील राजकारणात अजूनही झेरॉक्स सरपंच लुडबुड करताना दिसत असले तरी नांदगाव तालुक्यातील मोरझर च्या सरपंच सौ.लीना समाधान पाटील ह्या मात्र अपवाद ठरल्या आहेत.नावीन्यपूर्ण कामे करत त्यांनी आदर्श महिला कृषी माऊली पुरस्कार पटकवला आहे.

         जागतिक कृषी प्रदर्शन २०२३ अंतर्गत श्री स्वामी समर्थ सेवा केंद्र संचलित कृषी चॅरिटेबल ट्रस्ट च्या माध्यमातून हा पुरस्कार त्यांना केंद्राचे प्रमुख दादासाहेब मोरे यांच्या हस्ते प्रदान करण्यात आला. यावेळी राज्याचे माजी मंत्री बबनराव लोणीकर, सरपंच परिषदेचे प्रदेशाध्यक्ष दत्ताभाऊ काकडे यांची प्रमुख उपस्थिती होती.

         सरपंच सौ.पाटील यांनी मोरझर चा कारभार हाती घेतल्यापासून विविध विकास कामांबरोबरच गावगाड्यातील शेतकरी हा समृद्ध झाला पाहिजे या उदात्त हेतूने जलसमृद्धी सारखी योजना अमलात आणून पाणी आडवा पाणी जिरवा वर जिल्हाभरात उल्लेखनीय कामकाज केले.

        त्यामुळे मोरझर गाव दुष्काळाच्या छायेतून बाहेर पडण्यास सुरुवात झाली आहे शिवार सुजलाम सुफलाम होण्याच्या मार्गावर असून सौ पाटील यांचे सामाजिक कामातही विशेष योगदान आहे. गावात सातत्याने आरोग्यविषयक शैक्षणिक व कृषी विषयक कामांमध्ये कामांमध्ये तत लक्ष ठेवून योग्य कारभार करीत आहेत यामुळे त्यांना याआधी अनेक संस्थांमार्फत आदर्श महिला पुरस्काराने सन्मानित करण्यात आले आहे.