शेतीनुकसानीचे पंचनामे युद्धपातळीवर करण्याचे आमदार सुहास कांदे यांचे प्रशासनाला आदेश ; मात्र संप सुरु असल्याने हे पंचनामे करणार कोण .? याकडे शेतकऱ्यांनी वेधले लक्ष..

नांदगाव -: संतोष कांदे

  अवकाळी गारपीट मुळे तालुक्यातील कांदा,काढणीला आलेला गहू,हरभरा,व अन्य भाजीपाला पिकांचे लाखो रुपयांचे नुकसान झाले.याची सविस्तर माहिती घेऊन आमदार सुहास कांदे यांनी तत्काळ नुकसानग्रस्त शेतीचे पंचनामे करण्याचे आदेश दिलेत.सरकारी कर्मचाऱ्यांचा संप सुरु असल्याने हे पंचनामे कोण करणार .? असा प्रश्न उपस्थित झाला आहे.

             

 तालुक्यात शनिवारी गारपीट व अवकाळी पाउस झाला, या पावसात अनेक शेतकर्यांच्या शेतमालाचे मोठे नुकसान झ्याले आहे. पावसाने २१ गावातील २४००  हेक्टर क्षेत्रावरील गहू मका कांदा या पिकांना अक्षरशः झोडपून काढले. त्यामुळे गहू पिकाचे तसेच रांगडा व उन्हाळी कांदा आणि भाजीपाला पिकांचे नुकसान झाले आहे.त्याचबरोबर एक शेतकरी आणि अनेक जनावरे वीज पडून दगावली आहेत.

         सलग सहा दिवसांपासून पाचही महसूल मंडळात अवकाळी पाऊस पडत आहे.या मुले शेतकरी हवालदिल झाला असून शासनाने या परिस्थितीची तात्काळ दाखल घेऊन पंचनामे करून घेणे गरजेचे असल्यामुळे आमदार सुहास आण्णा कांदे यांनी काल झालेल्या अवकाळी पाऊस व गारपीट मुळे नुकसानग्रस्त क्षेत्राचे पंचनामा करण्याचे आदेश यंत्रणांना दिले आहेत.     

            दरम्यान आमदार सुहास कांदे यांनी पंचनामा करण्याचे आदेश दिलेत.मात्र सरकारी कर्मचाऱ्यांचा संप सुरु असल्याने हे पंचनामे कोण करणार .? असा प्रश्न उपस्थित होत आहे.