धार्मिक कार्यात जळगावकरांचा वाढलेला सहभाग कौतुकास्पद .! बाळकृष्ण महाराज बुरकुल

सा.शनैश्वर टाइम्स वृत्तसेवा

नांदगाव -: संतोष कांदे

एका वेश्याची समाधी पंढरपूर च्या श्री.विठ्ठल मंदिरात आहे.आणि देवाचे दर्शन घेण्याअगोदर वेश्याचे दर्शन घडते.इतकी महानता वारकरी संप्रदाय मध्ये आहे.असे प्रतिपादन कीर्तनकेसरी हभप बाळकृष्ण महाराज बुरकुल यांनी केले.

    जळगाव बुद्रुक परिसरात असलेल्या श्री.बेलेश्वर महादेव मंदिरात आयोजित ४३ व्या अखंड हरीनाम सप्ताह निमित्त समारोप प्रसंगी काल्याचे कीर्तनातून भाविकांचे प्रबोधन करताना ते बोलत होते.

     यावेळी त्यांनी वारकरी संप्रदाय तसेच भगवान श्री.कृष्णाच्या अनेक लीला सांगितल्या.तसेच त्या आपल्या मधुर आवाजात अनेक गवळणी गावून उपस्थित महिला व पुरुष भाविकांना ठेका ही धरायला लावला.तसेच त्यांनी यंदा जळगाव बुद्रुक च्या गावकऱ्यांची भरभरून स्तुती ही केली.आणि गावकऱ्यांच्या देवाप्रति वाढलेल्या श्रद्धेबद्दल समाधान ही व्यक्त केले.यानंतर भाविकांना महाप्रसाद वाटप करण्यात आला.