जळगाव बुद्रुक येथे श्रीराम जन्मोत्सव मोठ्या उत्साहात ..

सा.शनैश्वर टाइम्स वृत्तसेवा

जळगाव बुद्रुक -: संतोष कांदे

येथील श्रीराम मंदिरात राम जन्मोत्सव मोठ्या उत्साहात  साजरा करण्यात आला.यावेळी श्रीराम मंदिरावर आकर्षक रोषणाई करण्यात आली होती.व गावात  विविध धार्मिक कार्यक्रम आयोजन करण्यात आले. 

         यावेळी पूजेचा मान समाधान कांदे याला मिळाला तर पूजेचे पौरोहित्य कुणाल कुलकर्णी,गुरु (अण्णा) कुलकर्णी यांनी केले. सकाळी प्रभू श्रीरामाचा अभिषेक करण्यात आला. यानंतर आरती व श्रीरामाच्या नावाचा जयघोष व गजर करण्यात आला.  सकाळपासूनच राम मंदिरात भाविकांनी दर्शनासाठी गर्दी केली होती.मंदिरात प्रभू श्रीराम, लक्ष्मण व सीतेची सुंदर व देखणी मुर्ती आहे.त्याच बरोबर विठ्ठल रखुमाई,संत श्री.तुकाराम महाराज ,रामभक्त हनुमान,भगवान श्रीकृष्ण यांच्या सुबक देखण्या मूर्ती आहेत.

        रामनामाच्या गजराने गाव दुमदुमून गेले होते.जन्मोत्सवाच्या वेळी फटाक्यांची आतषबाजी करण्यात आली.राम मंदिरात राम जन्माचा पाळणा गीते म्हणण्यात आली. रामनामाचा जयघोष आरती, भजने म्हणण्यात आली. प्रसादाचे वाटप करण्यात आले. मंदिरामध्ये भाविक भक्तांची मोठी गर्दी उसळली होती.   सायंकाळी शोभायात्रा काढण्यात आली.  

       गावातील प्रमुख मार्गावरून सकल ग्रामस्थांनी   भव्य शोभायात्रा काढली.