बिग ब्रेकिंग न्यूज................................................. अबब..! तब्बल २० लाख रुपये लाच स्वीकारताना दोन अधिकारी जेरबंद.!

सा.शनैश्वर टाइम्स वृत्तसेवा

नांदगाव -: संतोष कांदे

तक्रारदाराच्या आजोबांवर सावकारी कायद्यानव्ये कारवाई न करण्यासाठी नातवाकडून सुमारे २० लाख रुपयांची लाच स्वीकारतांना निफाड चे सहाय्यक निबंधक रणजित पाटील,आणि त्यांचे वरिष्ठ लिपिक प्रदीप वीर नारायण यांना नाशिक येथे रंगेहात पकडण्यात आल्याने मोठी खळबळ उडाली आहे.

         

निफाड येथील सहाय्यक निबंधक यांच्याकडे सिन्नर तालुक्याचा अतिरिक्त कार्यभार होता.तेथील एका व्यक्तीवर सावकारी कायद्यानव्ये गुन्हा दाखल करण्याची धमकी सदर प्रभारी असलेल्या पाटील याने त्या व्यक्तीच्या नातवाला दिली.व हा गुन्हा दाखल करू नये म्हणून तब्बल वीस लाख रुपयांची लाच मागितली.वरील दोघां अधिकाऱ्यांना नाशिक शहरातील मुंबई नाका येथे वीस लाख रुपये लाच स्वीकारतांना अटक करण्यात आली.

        ही कारवाई एसीबी च्या अधीक्षक सौ.शर्मिष्ठा घारगे-वालावलकर यांच्या मार्गदर्शनाखाली पोलीस निरीक्षक संदीप साळुंखे,पो.ना.प्रवीण महाजन,पो.ना.नितीन कराड,प्रभाकर गवळी,यांनी पार पाडली.