आशिमा मित्तल यांच्या विरोधात आ.सुहास कांदे यांची तक्रार.! मतदार संघांसाठी निधी देताना दुजाभाव करत असल्याने विधानसभेत हक्कभंग आणण्याची तयारी.!

सा.शनैश्वर टाइम्स वृत्तसेवा

नांदगाव -: संतोष कांदे
                        माझ्या नांदगाव विधानसभा मतदार संघाला निधी देताना हेतूपुरस्कर टाळले जात असल्याची तक्रार आमदार सुहास कांदे यांनी विधानभवन सचिवांकडे करून जिल्हा परिषदच्या मुख्य कार्यकारी अधिकारी आशिमा मित्तल यांच्या विरोधात हक्कभंग ठराव आणण्याची सूचना ही त्यांनी यावेळी केली असल्याने निधी प्रकरणावरून आमदार श्री.कांदे पुन्हा एकदा चर्चेत आले आहेत.
       यापूर्वी निधी प्रकरणावरून माजी मंत्री आ.छगन भुजबळ,विद्यमान पालकमंत्री ना.दादा भुसे यांच्यावर आरोप करून करून आमदार सुहास कांदे राज्यात चर्चेत आले होते.त्यानंतर राज्यात सत्तांतर झाले.व आता सर्व आलबेल आहे असे वाटत असतानाच ; जिल्हा परिषद च्या मुख्य कार्यकारी अधिकारी आशिमा मित्तल ह्या माझ्या मतदार संघांसाठी निधी देताना दुजाभाव करत असल्याची तक्रार आमदार श्री.कांदे यांनी केली आहे.आणि ही तक्रार जिल्हा परिषदच्या मुख्य कार्यकारी अधिकारी आशिमा मित्तल यांच्या विरोधात असली तरी संश्याची सुई मात्र पालकमंत्री ना.दादा भुसे यांच्याकडेच वळत असल्याची चर्चा आहे.
       जिल्हा परिषद च्या ३०५४ व ५०५४ या हेडखाली नांदगाव तालुक्यातील रस्ते विकासासाठी अपेक्षित निधी न मिळाल्याने आमदार श्री.कांदे यांनी नाराजी व्यक्त करत सदर तक्रार केली आहे.दोन्ही हेड अंतर्गत तालुक्यातील सुमारे ५० गावांतील रस्त्यांकरिता जवळपास ९ कोटी ५० ते ११ कोटी इतका निधी अपेक्षित होता.मात्र प्रत्यक्षात फक्त साडे सात कोटी निधी हाती पडला.त्यामुळे निधी बाबत दुजाभाव झाल्याचे प्रथमदर्शनी दिसून येत असल्याचे आमदार श्री.कांदे यांनी म्हटले आहे.
       राज्याचे मुख्यमंत्री ना.एकनाथ शिंदे यांच्या मर्जीतील आमदार अशी ख्याती असलेल्या आमदार सुहास कांदे यांच्या तक्रारीवर आता काय कार्यवाही होते याकडे संपूर्ण जिल्ह्याचे लक्ष लागले आहे.

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक