इंधन दरवाढ़ कमी करण्याची मागणी ; तहसीलदारांना निवेदन सादर.!

सा.शनैश्वर टाइम्स वृत्तसेवा

नांदगाव -: वार्ताहर

आज शिवसेनेच्या (उद्धव बाळासाहेब ठाकरे) वतीने राज्यातील गॅस,डिझेल,पेट्रोल च्या दरात जी भरमसाठ वाढ झाली आहे.आणि त्या तुलनेत कांदा,कपाशी व मका पिकाला उत्पादन खर्च सुटेल इतका ही भाव मिळत नसल्याने जगाचा पोशिंदा बळीराजा मेटाकुटीस आला आहे.यास्तव सदर दरवाढ कमी करावी म्हणून तहसीलदार सिद्धार्थ मोरे यांना निवेदन देण्यात आले.

       

 आज राज्याचा अर्थसंकल्प सादर करण्यात आला.त्यात ही शेतकऱ्यांना फारसे महत्व देण्यात आले नाही.गेल्या दोन दिवसापूर्वी झालेल्या अवकाळी पावसाने कांदा,गहू,हरभरा या पिकांचे अतोनात नुकसान केले.त्याची नुकसान भरपाई अद्याप ही शासनाने जाहीर केलेली नाही.म्हणजेच शेतकऱ्यांना दिलासा देण्यासाठी ठोस पाऊले या अर्थ संकल्पाच्या माध्यमातून उचलली जातील.अशी अपेक्षा शेतकऱ्यांना होती.

        उद्धव बाळासाहेब ठाकरे शिवसेनेच्या वतीने दिलेल्या निवेदनात शासनाने योग्य धोरण राबवून शेतकऱ्यांना न्याय मिळवून द्यावा,पिक विमा व अनुदान थकीत रक्कम तत्काळ शेतकऱ्यांच्या खाती जमा कराव्यात.नार पार च्या प्रस्तावित आराखड्यात नांदगाव तालुक्याचा समावेश करावा.व शेतीसाठी सुरळीत वीज पुरवठा करावा आदी मागण्या करण्यात आल्या आहेत.

           यावेळी उद्धव बाळासाहेब ठाकरे शिवसेनेचे तालुकाप्रमुख संतोष गुप्ता,शहरप्रमुख श्रावण आढाव, महिला आघाडी शहरप्रमुख लताताई कळमकर,विभाग प्रमुख अशोक चोळके, सुरेश खैरनार,नुरा खान, ज्ञानेश्वर पवार,समाधान इप्पर,दिलावर इनामदार, किशोर साळवे तेजस बोराळे, दुर्गेश ठाकरे ,बाळासाहेब रसाळ,  आदी उपस्थित होते.