विद्यमान आमदार विकास करणार की,पाच माजी आमदार परिवर्तन....? नांदगाव बाजार समिती निवडणूक

सा. शनैश्वर टाइम्स वृत्तसेवा

नांदगाव कृषी उत्पन्न बाजार समिती वार्तापत्र

नांदगाव -: संतोष कांदे

तालुक्याच्या इतिहासात प्रथमच एका तालुका स्तरीय निवडणुकीसाठी चक्क एक विद्यमान व पाच माजी आमदार एकमेकांविरोधात उभे टाकले आहेत.आणि मग एक विद्यमान आमदार विकास करणार की,पाच माजी आमदार परिवर्तन... ?  हा राजकीय वर्तुळात कुतूहलाचा विषय झाला आहे.

          तालुक्यातील शेतकऱ्यांच्या हितासाठी स्थापन झालेल्या नांदगाव कृषी उत्पन्न बाजार समितीची पंच वार्षिक निवडणूक तब्बल दोन वर्ष उशिराने ना का होईना जाहीर होऊन निवडणुकीत दोन पॅनल निर्मितीने चांगलाच रंग भरला आहे.

     शिवसेनेचे आमदार सुहास कांदे ,जेष्ठ नेते बापूसाहेब कवडे,व विलास आहेर यांनी छत्रपती शिवाजी महाराज शेतकरी विकास पॅनल ची निर्मिती केली आहे.तर या बाजार समितीवर सर्वाधिक काळ वरचष्मा ठेवलेल्या माजी आमदार अँड.अनिल आहेर यांनी माजी आमदार पंकज भुजबळ,राजेंद्र देशमुख,जगन्नाथ धात्रक,संजय पवार या पाच माजी आमदारांची मोट बांधत महाविकास आघाडी करून बाजार समिती निवडणुकीसाठी परिवर्तन पॅनल निर्मिती केली आहे.

        गत सात वर्षांपासून या बाजार समितीवर सभापती म्हणून उत्कृष्ट कामकाज केलेल्या तेज कवडे यांनी अचानक घेतलेली माघार सर्वानाच बुचकळ्यात टाकणारी ठरली आहे.कारण गेल्या सात वर्षात नांदगाव बाजार समितीने जिल्हा नव्हे तर राज्यात नावलौकिक कमवला आहे.आणि याचे श्रेय आपसूकच सभापती म्हणून तेज कवडे यांना आहे.आणि राजकारणात चांगले काम करणाऱ्यांना नेहमी रिपीट केले जाते.मग सर्व बाजूंनी अनुकूल परिस्थिती असताना श्री.कवडे यांनी घेतलेली माघार एक वेगळाच संकेत देत आहे,मग निमित्त कैलास पाटील हे असले तरी.! 

         सात वर्षांपूर्वी झालेल्या बाजार समितीच्या संचालक मंडळाच्या निवडणुकीत शिवसेनेचे तत्कालीन जिल्हाप्रमुख सुहास कांदे बापूसाहेब कवडे सुहास कांदे यांच्या नेतृत्वाखालील शिवनेरी शेतकरी पॅनल ने तेव्हाच्या निवडणुकीत अठरा पैकी पंधरा जागा जिंकून विजय संपादन केला होता हा विजय पतंग निशाणीवर मिळाला होता आता सध्या होत असलेल्या यंदाच्या निवडणुकीतही  पतंग निशाणी कायम ठेवत फक्त पॅनेलच्या नावात बदल करीत ते आता छत्रपती शिवाजी महाराज पॅनल असे करण्यात आले एवढाच काहीसा बदल कांदे-कवडे गटाने केला आहे.

         गेल्या निवडणुकीत तत्कालीन आमदार पंकज भुजबळ माजी आमदार अँड अनिल आहेर यांच्या नेतृत्वाखालील  किसान विकास पॅनेलने  व्यापारी हमाल मापारी गटातील तीन जागांवर विजय मिळाला होता तेव्हा सत्तारूढ असलेल्या आहेर-भुजबळ गटाने गेल्या निवडणुकीत कपबशी निशाणी घेतली होती यंदाच्या निवडणुकीतआता कपबशी ऐवजी  छत्री निशाणी हा बदल दिसत आहे 

गेल्या निवडणुकीत आहेर-भुजबळ गटाकडून विजयी झालेले मावळते संचालक यज्ञेश कलंत्री,भास्कर कासार आमदार सुहास कांदे यांच्याकडून लढवीत आहे विलास आहेर हे गेल्या वेळेस आहेर-भुजबळ गटाकडून प्रक्रिया गटातून बाजार समितीवर संचालक झाले होते ते यंदाच्या निवडणुकीत आमदार सुहास कांदे बापूसाहेब कवडे यांच्या पुरस्कृत पँनेलच्या  प्रमुख सूत्रधारांपैकी एक  बनले आहेत तर गेल्या निवडणुकीत आहेर-भुजबळ गटाकडून निवडणूक लढविणाऱ्या  समाधान पाटील,कैलास पाटील   हे यंदाच्या निवडणुकीत आमदार सुहास कांदे  बापूसाहेब कवडे यांच्या पॅनेलमधून नशीब अजमावीत आहेत तर मावळत्या संचालक मंडळातील एकनाथ सदगीर अलकाताई कवडे मंगलाताई काकळीज,यांना आमदार सुहास कांदे बापूसाहेब कवडे यांच्याकडून फेरउमेदवारी देत पुन्हा संधी देण्यात आली  अन्य उमेदवारांत दोन ठिकाणी निवडणूक लढविणाऱ्या भाऊसाहेब सोनवणे यांना सोसायटी सर्वसाधारण गटात रोड रोलर तर ग्रामपंचायत गटात गॅस सिलेंडर निशाणी मिळाली मापारी गटात उभे असलेल्या निलेश इप्पर याना विमान तर ढेकू येथील संतोष राठोड याना ग्रामपंचायत गटात तलवार निशाणी मिळाली आहे व्यापारी गटात गोकुळ कोठारी यांना कपबशी तर संजय सानप यांना बस  निशाणी देण्यात आली आहे.

* पॅनेलनिहाय उमेदवारांची नावे *

छत्रपती शिवाजी महाराज शेतकरी विकास पॅनल चे उमेदवार

  ग्रामपंचायत गट अनिल वाघ अर्जुन पाटील दिपक मोरे अनिल सोनवणे सोसायटी महिला गटात मंगला काकळीज अलका कवडे तर विजाभजमधून पोपट सानप  ओबीसी मधून विलास आहेर तर सोसायटी सर्वसाधारण एकनिथ सदगीर कैलास पाटील समाधान पाटील विजय इप्पर साहेबराव पगार जीवन गरुड सतीश बोरसे व्यापारी गटातून यज्ञेश कलंत्री अमोल नावंदर तर हमाल मापारी गटात भास्कर कासार 

* महाविकास आघाडी परिवर्तन पॅनल चे उमेदवार *

 सोसायटी सर्वसाधारण गट दिलीप नंद शिवाजी वाघ धोंडीराम काळे दर्शन आहेर हरेश्वर सुर्वे  समाधान बोगीर अमित नहार महिला गटातून  चंद्रभागा वाबळे बेबीताईपगार इतर मागास वर्ग गटातून मविप्रचे संचालक अमित बोरसे विमुक्त जाती भटक्या जमाती जागेतून अँड सुरेश आव्हाड ग्रामपंचायत सर्वसाधारण  दीपक खैरनार उदय पवार ग्रामपंचायत अनुसूची जाती जमाती  अशोक जाधव आर्थिक दुर्बल गटातून  विजय पाटील चव्हाण व्यापारी गटातून मुकुंद खैरनार