संवेदनशील मनाचा आमदार......!

सा.शनैश्वर टाइम्स वृत्तसेवा

नांदगाव -: संतोष कांदे

नांदगाव - नाशिक ह्या राज्य मार्गाचे राष्ट्रीय मार्गात रूपांतर झाल्यानंतर या रस्त्याचे रुपडे पालटले, मात्र चकचकित रस्त्यावरून चालताना जीवाची काळजी ही कमी झाल्याचे दिसून येत आहे.वेळीच मदत व उपचार मिळाली तर ठीक अन्यथा जीवावर बेतू शकते.

          आज भर दुपारी असाच एक प्रसंग पानेवाडी गावानजीक घडला.त्या अपघातग्रस्तांच्या सुदैवाने नांदगाव तालुक्याचे आमदार सुहास कांदे मनमाड हून नांदगाव कडे येत होते.सदर प्रसंग बघताच आमदार श्री.कांदे यांनी त्तकाळ गाडी थांबवून जखमीची विचारपूस केली.त्यांना पाणी पाजले.व आमदारांचा फोन म्हटल्यानंतर काही क्षणातच रुग्णवाहीका ही हजर झाली.

     आमदार सुहास कांदे यांनी या जखमी ना रुग्णवाहिकेत बसवून दिल्यानंतर  मनमाड उपजिल्हा रुग्णालयातील वैद्यकीय अधिकाऱ्यांना ताबडतोब उपचार करण्याच्या सूचना ही केल्या.व सदर जखमी च्या नातेवाईकांना आपला मोबाईल नंबर देऊन अडचण आल्यास फोन करण्यास ही सुचवले.

      सदर जखमी हे मतदार संघातील मतदार नसतानाही आमदार कांदे यांनी त्यांच्या संवेदनशील स्वभाव गुणामुळे मदतीला धावून गेले.व सर्वोत्तपरी मदत ही केली.

      प्रतिक्रिया -: सुहास कांदे,आमदार

     सध्या लग्नसराईचा सीजन सुरू आहे आणि यातच उन्हाचे तापमान मोठ्या प्रमाणात वाढत आहे आणि म्हणूनच दुचाकी वर प्रवास करणाऱ्या प्रवाशांनी काळजी घ्यावी.वाहने हळू चालवावीत.

🙏