नांदगाव पंचायत समितीने राबवली नदी स्वच्छता मोहीम
सा.शनैश्वर टाइम्स वृत्तसेवा
नांदगाव - संतोष कांदे
जिल्हा परिषद च्या मुख्य कार्यकारी अधिकारी यांच्या सूचनेनुसार व मार्गदर्शनाखाली पावसाळ्याच्या पार्श्वाभूमीवर जिल्हाभर नदी स्वच्छता मोहिमेचे आयोजन करण्यात आले आहे.त्या अंतर्गत नांदगाव पंचायत समितीने गंगाधरी येथे रुईची नदीची स्वच्छता करून शुभारंभ करण्यात आला.
पंचायत समितीचे गटविकास अधिकारी गणेश चौधरी यांच्या मार्गदर्शनाखाली गंगाधरी ग्रामपंचायत व नांदगाव पंचायत समिती प्रशासनाने नदी स्वच्छता मोहीम राबवली.
गंगाधरी ग्रामपंचायतीचे सरपंच,उपसरपंच,ग्रामसेवक व सदस्यांनी यावेळी ट्रॅक्टर व स्वच्छतेसाठी लागणारे साहित्य उपलब्ध करून दिले होते.तालुकास्तरीय अधिकारी व कर्मचाऱ्यांनी यावेळी श्रमदान करत या नदी स्वच्छता मोहिमेत सक्रिय सहभाग नोंदवला.श्रमदानातून जवळपास दोन ते तीन ट्रॅक्टर कचरा कर्मचा-यांनी काढला.
त्यामुळे सदर नदीचे पात्र स्वच्छ व सुंदर दिसु लागले आहे.
Comments
Post a Comment