मातृभूमीची ओढ..... अन समाजाची सेवा...!

 सा.शनैश्वर टाइम्स वृत्तसेवा

नांदगाव -: मनुष्य कुठेही गेला तरी त्याला त्याची मातृभूमी विसरता येत नाही.आणि परिस्थिती सधन असेल तर या मातृभूमीतील आपल्या लोकांसाठी  'काहीतरी ' करण्याची उर्मी कायम मनात असते.असे काहीसे घडले,स्थित प्रियंका घोंगाणे ( सालपे) यांच्याकडून........

           

शहरातील प्रसिद्ध आडतदार उमाकांत  घोंगाणे यांच्या कन्या प्रियंका ह्या सद्यस्थितीत इंग्लंड ला स्थायिक आहेत.त्यांचे पिताजी हे नांदगाव तालुक्यातील नाशिक शिक्षण प्रसारक शिक्षण मंडळाच्या वाखारी येथील किसान माध्यमिक विद्यालयाच्या स्थानिक व्यवस्थापन समितीवर कार्यारत आहेत.म्हणून या विद्यालयातील गरीब,गरजू विद्यार्थ्यांना मोफत शालेय गणवेश वाटप करून सर्वांची वाहवा मिळवली आहे.

         यावेळी विद्यालयाचे मुख्याध्यापक पोपट चव्हाण यांनी प्रियंका सालपे यांचे स्वागत केले तर रत्नप्रभा पाटील यांनी शाल  देवून  सत्कार केला.

 यावेळी प्रियंका यांनी विद्यार्थ्यांना मार्गदर्शन करतानां सांगीतले की, आपण ग्रामीण भागातील मराठी मिडीयम मध्ये शिक्षण घेत असाल तरी आपण स्वतःला कमी समजायचे नाही. मी सुद्वा मराठी मिडीयम मध्ये शिकलेली आहे. आई, वडील, शिक्षकांचा नेहमी आदर करा.  स्वतःला कुठेही कमी समजू नका .

यावेळी पालक शिक्षक संघाचे उपाध्यक्ष प्रल्हाद चव्हाण शालेय व्यवस्थापन समितीचे संजय काकळीज, पोलीस पाटील राकेश चव्हाण यांनी वाखारी ग्रामस्थाकडून प्रिंयका हिचा सत्कार केला. 

 यावेळी मुख्याध्यापक पोपट चव्हाण, शिक्षक दत्तात्रय महाजन, सुनील हिंगमीरे, ऋषी डोमाडे, नंदू दंवगे, रत्नप्रभा पाटील,  रोहीणी गोराडे, महेष निकम,  पत्रकार सोमनाथ घोंगाणे आदी मान्यवर उपस्थीत होते.