वाढदिवस साजरा करावा तर असा...! समाजासमोर जळगाव बुद्रुक प्राथमिक शाळेने ठेवला एक चांगला आदर्श.!

सा.शनैश्वर टाइम्स वृत्तसेवा
नांदगाव -: संतोष कांदे
     वाढदिवस साजरा करण्याचे अनेक प्रकार या सोशल मीडियाच्या काळात प्रचलित झाले आहेत.कुणी बंदूकीने तर कुणी तलवारी ने केक कापतात.ते नंतर जेलची हवा खातात हा भाग अलहिदा .!! मात्र या प्राथमिक शाळेने आपल्या विद्यार्थ्यांचा वाढदिवस साजरा करताना त्या दिवशी २० तारीख होती म्हणून चक्क २० वटवृक्ष लागवड करून एक चांगला सामाजिक संदेश समाजाला दिला.
           या शाळेतील आदर्श सांगळे,ओम आहिरे या दोन विद्यार्थ्यांचा वाढदिवस २० जुलै रोजी होता.मुख्याध्यापक राजेंद्र काटकर यांनी या विद्यार्थ्यांच्या पालकांना बोलावून तुमच्या मुलांचा वाढदिवस कायम स्मरणात रहावा,असे आम्हाला वाटते.म्हणून या दिवशी वृक्ष लागवड करून तो साजरा करावा अशी अभिनव कल्पना मांडली.
    पालक राहुल सांगळे यांनी क्षणाचा ही विलंब न लावता २० वटवृक्ष रोपे उपलब्ध करून दिली.अन सामाजिक संदेश देत हा आगळा - वेगळा वाढदिवस साजरा झाला.यावेळी शालेय शिक्षण व्यवस्थापन समितीचे अध्यक्ष राहुल सांगळे,शैलेश टिळेकर,मुख्याध्यापक राजेंद्र यांनी,सरपंच सौ.लंकाबाई गिते यांचे पती शरद गिते, रघूनाथ सांगळे, वाल्मीक कांदे, धर्मराज आव्हाड, उपसरपंच नाना गावंडे, ग्रा. पं.सदस्य कृष्णा आहिरे,गोरख गिते,मल्हारी आहिरे,विशाल आव्हाड, बुधा मेंगाळ, मनोज धात्रक यांच्यासह शाळेच्या शिक्षिका श्रीम. शारदा महाले, श्रीम, छाया बोरसे, श्रीम संगीता सोनवणे, श्रीम कविता रोकडे शिक्षक श्री वाल्मीक शेवरे, अमोल बच्छाव, अजिंक्य गायकवाड व पालक उपस्थित होते.

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक