प्रदीर्घ कालावधीनंतर नांदगाव तालुका दृष्काळाच्या छायेत..! ..पिक विमा भरण्यासाठी मोजावे लागतात ५० रुपये...सर्वांचेच दुर्लक्ष...

सा.शनैश्वर टाइम्स वृत्तसेवा

नांदगाव -: संतोष कांदे

तालुक्यातील शेतकऱ्यांनी मोठी अपेक्षा ठेवून खरीप हंगामाची जुळवाजुळव केली ; मात्र पावसाने पाठ फिरवल्याने सगळे मुसळ केरात गेल्याची भावना शेतकऱ्यांची झाल्याने जगाचा पोशिंदा बळीराजा हवालदिल झाल्याचे चित्र दिसून येत आहे.

        केंद्र व राज्य शासनाकडून शेतकऱ्यांची सध्या मोठी हेळसांड सुरु असल्याचे चित्र प्राप्त परिस्थितीत दिसून येत आहे.पाऊस नसल्याने शेतकरी मेटाकुटीस आला आहे.म्हणून शासनाने एक रुपयात पिक विमा भरण्याची लोकप्रिय घोषणा केली.मात्र यासाठी पुरेशी व्यवस्था न केल्याने शेतकऱ्यांना पिक विमा भरण्यासाठी एक रुपया नव्हे तर चक्क पन्नास ते शंभर रुपये लागत असल्याचे दुर्दवी चित्र आजचे आहे.

          विकासाच्या गमजा मारणे ठीक परंतू ; तालुक्यातील शेतकरी व सर्वसामान्य जनतेसाठी धावून जाणे हे अपेक्षित असते.यासाठी अपवाद गेल्या पंधरा वर्षात असा प्रसंग उद्धभवल्याचे चित्र दिसून आले नाही. त्यामुळे तालुक्यातील सर्वसामान्य जनता व शेतकरी हवालदील झाल्याचे दिसून येत आहे.

          २० वर्षांपूर्वी असलेले लोकप्रतिनिधी सर्वसामान्य जनतेत मिसळून त्यांच्या समस्या जाणून घेत असत.त्यामुळे लोकप्रतिनिधी अन जनता यांच्यात एक अलौकिक नाते निर्माण होत असे.पण काळानुरूप यात बदल होत गेल्याने लोकप्रतिनिधी आता गाडीच्या किंवा बंद बंगल्याच्या काचेमधून दिसत असल्याने जनता वाऱ्यावर असल्याचे दिसून येत आहे.