वराह (डुक्कर) पालन करणाऱ्या कासारी आरोग्य उपकेंद्राला एखादा तरी पुरस्कार द्यावा.. ग्रामस्थांची उपरोधिक मागणी.. जनतेच्या आरोग्याची काळजी वाहणारे उपकेंद्र च समस्यांच्या विळख्यात...!

सा.शनैश्वर टाइम्स वृत्तसेवा

नांदगाव - : संतोष कांदे

     तालुक्यातील बोलठाण प्राथमिक आरोग्य केंद्राच्या अंतर्गत येत असलेल्या कासारी आरोग्य उपकेंद्रात दुर्गंधीयुक्त घाणीचे साम्राज्य पसरले असतानाही याकडे डोळेझाक करत या उपकेंद्राचा कारभार सुरु असल्याचे विदारक चित्र आहे.

     या उपकेंद्राच्या इमारतीची अवस्था सध्या बरी दिसत असली तरी या आवारातील प्राप्त परिस्थिती अत्यंत लाजिरवाणी झाली आहे.कुंपण नावाला उरले आहे.त्यामुळे गावठी डुक्करांचा वावर वाढला आहे.तसेच येथे रात्रीच्या अंधारात शौचविधी उरकून कार्यभाग साधनारे असल्याने साहजिकच डुक्कर येथे गर्दी करून असतात.त्याचबरोबर गवत मोठ्या असल्याने वाढले आहे.अनेकांचे सांडपाणी ही येथेच वाहून येते.व ते थेट जेथे हात पंप बसवला

आहे.त्याला येऊन मिळते.म्हणजेच लोकांच्या आरोग्याची जेथे काळजी घेतली जावी,तेथेच वाट लावण्याची व्यवस्था करण्यात आल्याचे चित्र या उपकेंद्राचे आहे.