युवासेना जिल्हाप्रमुख फरहान खान यांचा वाढदिवस जल्लोषात साजरा

सा.शनैश्वर टाइम्स वृत्तसेवा

नांदगाव -: संतोष कांदे

 अल्पावधीतच तालुक्यातील युवकांचे संघटन उभे करून शिंदे गटाच्या शिवसेनेचे युवासेना जिल्हाप्रमुख पटकावलेल्या व येथील तरुणांचे  आशास्थान बनलेल्या फरहान खान यांचा वाढदिवस मोठ्या उत्साहात साजरा करण्यात आला.

       

विद्यमान आमदार सुहास कांदे यांचे मेहुणे व सामाजिक कार्यकर्त्या सौ.अंजुम कांदे यांचे बंधू फरहान खान यांनी तालुक्यात आल्यापासून युवकांचे प्रश्न सोडवण्यास प्रथम प्राधान्य दिले.त्यामुळे युवा वर्गात ते लोकप्रिय झाले आहेत.त्यांच्या वाढदिवस निमित्त मनमाड येथे नांदगाव विधानसभा संघटक जाफर मिर्झा व महिला आघाडी उपतालुका प्रमुख नाजमा मिर्झा यांनी सुफीसंत वली घोडेपीर बाबा दरगाह येथे फुलांची चादर चढवून उदंड आयुष्यासाठी दुआ पठण करून प्रसाद (शिरणी) वाटप केले. तसेच तुफान चौक येथे केक कापून व गोरगरीबांना अन्नदान करून वाढदिवस  साजरा करण्यात आला.

          वरील कार्यक्रमांना शिवसेना,युवासेना,महिला आघाडी पदाधिकारी शिवसैनिक, हितचिंतक मित्र परिवार मोठ्या संख्येने उपस्थित होते.*