संवेदनशील मनाचा आमदार - सुहास कांदे

सा.शनैश्वर टाइम्स वृत्तसेवा

नांदगाव -: संतोष कांदे

वाल्ह्याचा वाल्मिकी झालेल्या आमदार सुहास कांदे यांनी तालुक्यातील जनतेसाठी इतके वाहून घेतले आहे की,जिल्हा ते तालुका स्तरीय अधिकाऱ्यांना त्यांच्या बैठकीत भोवळ येणे नित्यक्रम झाला आहे.

      काल  (दि.१८) रोजी आमदार सुहास कांदे तालुक्यातील झाडून सर्व शासकीय विभागांची बैठक शासकीय विश्रामगृहाच्या सभागृहात आयोजित केली होती.कोरोना काळात आमदार सुहास कांदे यांनी जीवाची पर्वा न करता जे अतुलनीय काम केले,त्याला तोड नाही.व जो खर्च केला त्याचे ही मोजमाप नाही.अशा कर्तव्यदक्ष आमदाराच्या बैठकीत कामचुकार अधिकाऱ्यांना भोवळ येणे ही नित्याची गोष्ट झाली आहे.हे आज गंमतीने म्हटले जाते.

      आमदार कांदे यांचा कामाचा प्रचंड असा आवाका आहे.आजपर्यंत तालुक्यात विक्रमी विकासकामे करण्यात माजी आमदार पंकज भुजबळ यांचा वरचष्मा होता.मात्र आमदार सुहास कांदे भुजबळ यांच्यापेक्षा काकणभर सरस ठरले आहेत.सर्वात महत्वाचे म्हणजे मनमाड,नांदगाव व ग्रामीण भागाचा पाणी प्रश्न त्यांनी राज्य पातळीवर असलेल्या त्यांच्या संबधाचा वापर करत चुटकीसरशी सोडवला आहे.

      त्यांना सुचलेल्या कल्पना नावीन्यपूर्ण अशा आहेत.नागरिकांच्या रोजच्या गरजेतील कागदपत्रे असोत ; की,त्यांच्या आरोग्यविषयक समस्या त्या ही त्यांच्या घरी जाऊन सोडवणारा आमदार होणे नाही.अशा प्रतिक्रिया आता जनतेतून व्यक्त होत आहेत.