जळगाव बुद्रुक प्राथमिक शाळेत ७६ वा.स्वातंत्र्यदिन मोठ्या उत्साहात.!
सा.शनैश्वर टाइम्स वृत्तसेवा
नांदगाव -: संतोष कांदे
सालाबादप्रमाणे देशाचा स्वातंत्र्यदिन जळगाव बुद्रुक च्या प्राथमिक शाळेत साजरा करण्यात आला.शाळेचे ध्वजारोहन स्वस्त धान्य दुकानदार चंद्रकांत घुगे यांचे हस्ते करण्यात आले.यावेळी ग्रामस्थांनी शाळेसाठी दिलेल्या अनेक महत्वाच्या उपकरणाचे लोकार्पण ही करण्यात आले.
देशभक्तीच्या चैतन्याने उगवलेल्या आजच्या या मंगल प्रभाती विविध कार्यक्रमांनी रंगत आणली होती.बुधा मेंगाळ, मनोज धात्रक,हभप.बाळकृष्ण महाराज बुरकुल यांचे हस्ते ध्वजपूजन करण्यात आले.सुट्टीवर आलेले जवान राहुल बोडखे,दत्तू बोडखे,यांचे हस्ते शहीद स्मारक कोनशिला अनावरण करण्यात आले.तर सरपंच सौ.लंका शरद गिते व उपस्थित मान्यवरांच्या हस्ते BenQ या कंपनीचा 64 इंचीचा इंटरऍक्टिव्ह बोर्डाचे उदघाट्न करण्यात आले.हा बोर्ड ग्रामपंचायतीने शाळेला भेट दिला.
शाळेला प्रतिष्ठित अण्णासाहेब गिते यांनी सीसीटीव्ही बसवून दिले त्याबद्दल त्यांचे आभार मानण्यात आले.तर यावेळी चंद्रकांत घुगे यांनी ही शाळेला एल.इ.डी. टीव्ही भेट देणार असल्याचे जाहीर केले.तर शाळेच्या प्रगतीसाठी सतत प्रयत्नरत असलेल्या शाळा व्यवस्थापन समितीचे अध्यक्ष नवनाथ सांगळे व सदस्यांचे नवनाथ कांदे,संतोष कांदे,प्रभाकर निकुंभ यांचे हस्ते गौरव करण्यात आला.
यावेळी मुख्याध्यापक राजेंद्र काटकर,शिक्षक शैलेश टिळेकर,प्रवीण ठाकरे,अमोल बच्छाव, शिक्षिका सौ. शारदा महाले, छाया बोरसे, संगीता सोनवणे, कविता रोकडे, शिक्षक वाल्मिक शेवरे, अजिंक्य गायकवाड यांच्यासह माध्यमिक शाळेचे मुख्याध्यापक व शिक्षक वृंद, गावचे प्रतिष्ठित नागरिक, आजी माजी विद्यार्थी, सर्व अंगणवाडी सेविका व सहकारी, विविध कार्यकारी सोसायटीचे संचालक मंडळ, गावातील विविध मंडळांचे तरुण कार्यकर्ते तसेच सर्व विद्यार्थी उपस्थित होते.
Comments
Post a Comment