जिल्ह्याने एक कुशल मार्गदर्शक गमावला -: अँड.ठाकरे
सा.शनैश्वर टाइम्स वृत्तसेवा
नांदगाव - संतोष कांदे
मराठा विद्या प्रसारक समाज संस्थेचे माजी संचालक तथा तालुक्यातील एक कुशल राजकारणी कै.साहेबराव पाटील यांच्या निधनाने जिल्ह्याने,व मविप्र.ने एक कुशल मार्गदर्शक गमावला आहे.असे प्रतिपादन सरचिटणीस अँड.नितीन ठाकरे यांनी आयोजित शोकसभेत केले.
यावेळी त्यांनी कै.पाटील यांच्या अनेक जुन्या स्मृतींना उजाळा दिला.तर यावेळी माजी आमदार अँड.अनिल आहेर बोलताना म्हणाले की, अण्णांच्या जाण्याने नांदगाव तालुक्यातील समन्वयवादी नेतृत्व हरपले. भविष्यात तालुक्यातील राजकीय, सामाजिक पेचप्रसंग सोडवण्यासाठी नेतृत्वच दिसत नाही.
संस्थेचे तालुका संचालक अमित बोरसे यांनी प्रस्ताविक मधून कै.पाटील यांच्या संस्थेसाठी केलेल्या कामाचा लेखाजोखा मांडला.या प्रसंगी मविप्रचे माजी अध्यक्ष डॉ. तुषार शेवाळे,मविप्र उपाध्यक्ष विश्वासराव मोरे,उपसभापती डि. बी.मोगल,मविप्र संचालक ॲड. आर. के. बच्छाव, मविप्र शिक्षक सेनेचे विभागीय अध्यक्ष संजय चव्हाण, बाळासाहेब साळुंखे, आण्णासाहेब पगार, विश्वासराव कवडे, भास्कर कदम, दिलीप आप्पा इनामदार, राजेंद्र देशमुख, तसेच नांदगाव तालुक्यातील सर्वपक्षीय प्रतिनिधींनी आपल्या भावना व्यक्त केल्या. सभेचे सूत्रसंचालन डॉ. संजय मराठे यांनी केले सभेची सांगता कै.साहेबराव पाटील यांना श्रद्धांजली वाहून करण्यात आली.
Comments
Post a Comment