पोषण आहार मजुरी रकमेत वाढ करावी.! आधारवड संस्थेची ना.भुजबळांकडे मागणी

सा.शनैश्वर टाइम्स वृत्तसेवा

नांदगाव -: संतोष कांदे

विद्यार्थ्यांना आहार शिजवून खाऊ घालणे,हे अत्यंत जबाबदारीचे काम आहे.आणि ते काम करणाऱ्यांना उचित मोबदला मिळणे आवश्यक आहे.मात्र त्यांना तुटपुंज्या मानधनावर काम करावे लागत असून,याकडे राज्य शासनाने लक्ष द्यावे अशी मागणी येथील आधारवड महिला बहुुद्देशिय संस्थेच्या वतीने राज्याचे अन्न व नागरी पुरवठा मंत्री.ना.छगन भुजबळ यांच्याकडे करण्यात आली आहे.

      मंत्री.ना.भुजबळ यांनी सदर प्रश्न हा संपूर्ण राज्याचा असल्याने तो मंत्रिमंडळासमोर मांडला जाईल.याकरिता मी स्वतः प्रयत्न करतो असे स्पष्ट अभिवचन या संस्थेच्या शिष्टमंडळाला दिले.

      या संस्थेने यासह या महिलांना विमा संरक्षण द्यावे,तसेच शिपाई पदावर नियुक्ती द्यावी.आदी मागण्या यावेळी केल्या.संस्थेच्या वतीने ना.भुजबळ यांचा सत्कार करण्यात आला. यावेळी  संगीता संतोष सोनवणे,आशा शरद काकळीज,अलका आयनोर,रत्ना सोनवणे,संगीता मोकळ उपस्थित होत्या.