अमृत महा आवास अभियान मध्ये नांदगाव पंचायत समितीचा झेंडा.! ग्रामविकास मंत्री ना.गिरीश महाजन यांच्याकडून सन्मान.!

सा.शनैश्वर टाइम्स वृत्तसेवा

नांदगाव -: संतोष कांदे

अमृत महा आवास अभियान २०२० -२०२२  मध्ये उत्कृष्ट काम केलेल्या संस्था व व्यक्तींना अमृत महाआवास अभियान पुरस्काराने नुकतेच सन्मानित करण्यात आले. 

      सदर पुरस्कार वितरण कार्यक्रम दि.१५ ऑगस्ट २०२३ रोजी विभागीय आयुक्त कार्यालय नाशिकच्या प्रांगणात पार पडला.गेल्या दोन वर्षापासून नांदगाव तालुक्याने या अभियानात विविध पुरस्कार प्राप्त केले आहेत.यंदा देखील या अभियानात नांदगाव तालुक्याने तब्बल पाच पुरस्कार प्राप्त करत यशाची हॅटट्रिक केली आहे. ग्राम विकास मंत्री गिरीश महाजन यांच्या हस्ते सदर पुरस्कारांचे वितरण करण्यात आले.

       याप्रसंगी केंद्रीय आरोग्य राज्य मंत्री भारतीताई पवार, विभागीय आयुक्त राधाकृष्ण गमे यांच्या सह अनेक मान्यवर उपस्थित होते.

नांदगाव पंचायत समितीने प्राप्त केलेले पुरस्कार खालीलप्रमाणे-

जिल्हास्तरीय पुरस्कार- *प्रधानमंत्री आवास योजना ग्रामीण*-

1.सर्वोत्कृष्ट क्लस्टर पुरस्कार -द्वितीय क्रमांक- भालुर-समीर पठाण, ग्रामीण गृहनिर्माण अभियंता

2. सर्वोत्कृष्ट ग्रामपंचायत पुरस्कार- तृतीय क्रमांक- साकोरे

जिल्हास्तरीय पुरस्कार

*राज्य पुरस्कृत आवास योजना*

1.सर्वोत्कृष्ट तालुके पुरस्कार- द्वितीय क्रमांक- नांदगाव

2.सर्वोत्कृष्ट क्लस्टर पुरस्कार -प्रथम क्रमांक- जातेगाव- विजय चव्हाण, ग्रामीण गृहनिर्माण अभियंता

3.सर्वोत्कृष्ट ग्रामपंचायत पुरस्कार- प्रथम क्रमांक- नागापुर

नांदगाव पंचायत समितीच्या या यशाबद्दल आमदार सुहास  कांदे, मुख्य कार्यकारी अधिकारी आशिमा मित्तल,

प्रकल्प संचालक (जिल्हा ग्रामीण विकास यंत्रणा) प्रतिभा संगमनेरे, अति.मुख्य कार्यकारी अधिकारी अर्जुन गुंडे, उपमुख्य कार्यकारी अधिकारी, साप्रवि- रविंद्र परदेशी, उपमुख्य कार्यकारी अधिकारी, ग्रामपंचायत- वर्षा फडोळ आदींनी अभिनंदन केले आहे.