समाजविरोधी विधाने करणाऱ्या भिडेंवर कठोर कारवाई करा -: काँग्रेस ची मागणी

सा.शनैश्वर टाइम्स वृत्तसेवा

नांदगाव -: संतोष कांदे

विद्यमान केंद्र शासनाच्या काळात महिला,भारताचे भूतपूर्व नेते,तथा राष्ट्रपुरुष ही सुरक्षित नसल्याचे अनेक प्रकरणातून समोर येत आहे.विद्यमान सरकारच्या भरवश्यावर अनेक वाचळवीर भारतासाठी कष्ट उपसलेल्या नेत्यांची बदनामी करत सुटले आहेत.यावर त्तकाळ अंकुश लावावा अशी मागणी येथील काँग्रेस पक्षाने तहसीलदार सिद्धार्थ मोरे यांना दिलेल्या निवेदनात केली आहे.

     

या निवेदनात त्यांनी पुढे असे म्हटले आहे की,अमरावती येथील एका कार्यक्रमात मनोहर भिडे उर्फ भिडे गुरुजी यांनी अत्यंत खालच्या स्तरावर जाऊन राष्ट्रपिता महात्मा गांधी यांच्याबद्दल अवमानकारक विधान केले.आणि हे विधान भारताच्या सर्वधर्म समभाव या भूमिकेला तडा देणारे आहे.आणि ही ओळख पुसण्याचा प्रयत्न करणाऱ्या ह्या वृत्ती वेळीच ठेचण्याची गरज आहे.म्हणून या प्रवृत्तीचा निषेध करत आहोत.असे या निवेदनात म्हटले आहे.

    मणिपूर येथील घटनेत महिलांवर झालेल्या अत्याचाराची घटना देशासाठी अत्यंत लाजिरवाणी आहे.म्हणून या देशद्रोही विधान करणाऱ्या व्यक्तींवर वेळीच कारवाई करण्याची गरज आहे.म्हणून भिडेंवर कठोर कारवाई करण्यात यावी अशी मागणी माजी आमदार अँड.अनिल आहेर यांच्या मार्गदर्शनाखाली तालुकाध्यक्ष हरेश्वर सुर्वे ,शहरअध्यक्ष मनोज चोपडे,कृ.उ.बा समितीचे संचालक दर्शन आहेर,अय्युब शेख ,राजेंद्र लाठे,डॉ.सागर भिलोरे,पुंडलिक सदगिर,सोशल मिडिया जिल्हाध्यक्ष निरंजन आहेर,सागर साळुंके,राहुल परदेशी ,सागर आडकमोल,फैसल शेख साजिद शेख ,अमित आहेर ,अभिजीत सूर्यवंशी, आदी उपस्थीत होते