पावसाला सुरुवात झाल्याने शेतकऱ्यांच्या दुबार पेरणीच्या आशा पल्लवीत.!

सा.शनैश्वर टाइम्स वृत्तसेवा

नांदगाव -: संतोष कांदे

धरण,बंधारे,नदी,तलाव आणि उरल्या - सुरल्या विहिरी ही शेवटच्या घटका मोजत आहेत.पिकांची गणती वाळलेल्या चाऱ्यात झाली आहे.खरीप हंगामावर खर्च केलेल्या रकमेची आशा धुळीस मिळाली आहे.मात्र आता पाऊस येण्यास सुरुवात झाल्याने दुबार पेरणी करून झालेला खर्च वसूल करण्याची मानसिकता शेतकऱ्यांची झाली आहे.

      ( अशी गत जवळपास सर्वच पिकांची झाली आहे.)  

जुन महिन्यात हुलकावणी दिलेल्या पावसाने जुलै महिन्यात जमतेम हजेरी लावली.त्यावर शेतकऱ्यांनी मका,कपाशी,बाजरी,मूग,भुईमूग आदी पिकांची पेरणी पूर्ण केली.मात्र त्यानंतर पावसाने जी पाठ फिरवली,ती आजतगायत.....

                पिक विमा पहिला हप्ता केव्हा.?

 पाऊस आज न उद्या पडेल या भाबड्या आशेवर शेतकऱ्यांनी रासायनिक खते,औषधे यांची तजवीज उधार,उसनवार करून केली होती.पण आता सगळे मुसळ केरात .! अशी गत झाली आहे.खाजगी हवामान तज्ञ व शासकीय हवामान तज्ञ यांचे ही तर्क या लहरी पावसाने फोल ठरवले आहेत.

     एकरी जवळपास ४० ते ५० हजार रुपये खर्च करून खरीपाची जुळवणी केलेल्या शेतकऱ्यांच्या पदरात ऐन धोंड्याच्या महिन्यात निसर्गाने ही धोंडाच दिल्याने बळीराजा हवालदील झाला आहे.आता या संकटावर मात करण्यासाठी शासकीय मदतीची गरज आहे,मात्र प्रशासन अजून ही ठिम्म असल्याचे दिसून येत आहे.