जालना.... वंजारी समाजाचेच अधिकारी निलंबीत केल्याने वंजारी समाज आक्रमक.... सर्व जिल्हाधिकारी यांना देणार निवेदन..!

सा.शनैश्वर टाइम्स वृत्तसेवा

नांदगाव -: संतोष कांदे

  जालना येथील बहुचर्चित मराठा आरक्षण आंदोलन प्रसंगी दगड फेक,व लाठी चार्ज झाला त्यामुळे गंभीर परिस्थिती निर्माण झाली व नेहमीप्रमाणे कारवाईचा बडगा अधिकाऱ्यांवर उगारण्यात आला.आणि त्यात नेमके वंजारी समाजाचेच अधिकारी निलंबीत केल्याने वंजारी समाजात संताप व्यक्त केला जात असून,सर्व जिल्हाधिकाऱ्यांना या चुकीच्या कारवाई बद्दल निवेदन देण्यात येणार आहे. 

          या निवेदनात पुढे असे म्हटले आहे की,जालना येथील अपर पोलीस अधीक्षक डॉ.राहुल खाडे,अंबड ( जालना ) येथील उपविभागीय पोलीस अधिकारी मुकुंद आघाव ,  व चुकीच्या पद्धतीने निलंबन करण्यात आले.यामुळे राज्यातील संपूर्ण वंजारी समाज दुखावला गेला असून,या कारवाईच्या विरोधात सर्व समाजाने एकत्रित येऊन एल्गार पुकारला आहे.

      आंदोलनादरम्यान झालेल्या लाठीचार्ज चा आदेश हा जालना येथील तत्कालीन पोलीस अधीक्षक श्री.दोषी यांच्या आदेशावरून झाला होता. ते सध्या सक्तीच्या रजेवर आहेत.मुळात लाठीचार्ज चा आदेश अप्पर अधीक्षक श्री खाडे हे देऊ शकत नाहीत.त्यांना तो अधिकारच नाहीये. हा आदेश पूर्णतः श्री.दोषी यांचा होता त्या नंतर सर्व काही कार्यवाही झालेली आहे .

    जाणीवपूर्वक वंजारी म्हणून अप्पर पोलीस अधीक्षक राहुल खाडे व पोलीस उपअधीक्षक  मुकुंद आघाव यांच्या सारख्या कर्तव्यदक्ष अधिकाऱ्यावर कार्यवाही करून संपूर्ण महाराष्ट्र राज्या मधील ओबीसी समाजात व अधिकारी वर्गात प्रचंड नाराजी पसरली आहे .   

    राज्य सरकार ने श्री.खाडे व श्री.आघाव यांच्या प्रकरणी चुकीच्या  पद्धतीने  केलेली निलंबनाची कारवाही तातडीने माघे घेऊन त्यांना दोषमुक्त करावे असे या निवेदनात म्हटले आहे.

     सदर निवेदनाच्या प्रती राज्यपाल महोदय महाराष्ट्र सरकार,ना.एकनाथ शिंदे. मुख्यमंत्री, दोन्ही उपमुख्यमंत्री, गृह सचिव,पोलीस महासंचालक,विभागीय आयुक्त औरंगाबाद,आय जी औरंगाबाद ग्रामीण, जिल्हाधिकारी सर्व जिल्हे यांना पाठवण्यात आले आहे.