एक वाढदिवस असा ही........! कृतज्ञाचा सोहळा..!

सा.शनैश्वर टाइम्स विशेष बातमी

नांदगाव -: संतोष कांदे

नेते,अभिनेते ते गाव गल्लीतील पुढारी असो वा तरुणाई...वाढदिवस सार्वजनिक ठिकाणी साजरा करण्याचे प्रकार सर्रास घडताना दिसतात.मात्र वर्षोनुवर्षे आपले किंबहुना संपूर्ण जगाचे पालन -पोषण व्हावे म्हणून शेतात राबणाऱ्या सर्जा - राजाचा वाढदिवस साजरा झाल्याचे एकीवात नव्हते.मात्र नांदगाव तालुक्यातील वडाळी बुद्रुक च्या सानप कुटुंबाने बैल पोळा हा बैलांचा वाढदिवस समजून आपल्या बैलांचा वाढदिवस मोठ्या उत्साहात साजरा केल्याची घटना चांगलीच चर्चेत आली आहे.

     पाऊस नसल्याने धरण,बंधारे,तलाव,नदी,विहिरी कोरड्याच आहेत.पिके अखेरचा श्वास घेत आहेत.आणि अशा परिस्थितीत ही या रामदास सानप यांनी आपल्या कुटुंबंासह वाढदिवसाचे साहित्य आणून साग्रसंगीत वाढदिवस केक कापून आणि तो बैलांना खाऊ घालत साजरा केला.

     बैलांचा वाढदिवस साजरा झाल्याचा हा व्हिडिओ व फोटो सोशल मीडियात चांगलेच व्हायरल झाले आहेत.