उपजीविका चालवण्यासाठी तंत्र शिक्षण आवश्यक -: अमित पाटील

सा.शनैश्वर टाइम्स वृत्तसेवा

नांदगाव -: संतोष कांदे

येथील मराठा विद्या प्रसारक समाजाच्या तंत्र निकेतन विद्यालयाचा दिक्षांत समारंभ मोठ्या उत्साहात साजरा करण्यात आला.

           भगवान विश्वकर्मा यांच्या जयंती सप्ताहचे औचित्य साधून दिक्षांत (पदवीदान) समारंभाचे आयोजन करण्यात आले होते.कार्यक्रमाच्या अध्यक्षस्थानी  संस्थेचे तालुका संचालक अमित पाटील होते. प्रास्ताविक करताना प्राचार्य बी. बी. आथरे म्हणाले की,आजच्या काळात स्वतः व कुटुंबंांची उपजीविका चालवण्यासाठी तंत्र शिक्षण किती महत्वाचे आहे हे कळते. 

महाबली ट्रेलरचे प्रमुख सुनील वाघ गुरुकृपा रोलिंग शटर्सचे प्रमुख  अतुल सोनवणे तसेच वैभव एनर्जी प्रा.लि चे कार्यकारी अधिकारी गोरख बागुल यांनी संपूर्ण वर्षभरात संस्थेतील विद्यार्थ्यांना ऑन जॉब ट्रेनिंग साठी सहकार्य केल्याबद्दल अमित बोरसे पाटील यांनी विशेष आभार मानले.

          यावेळी प्रथम,द्वितीय,अन तृतीय यश मिळवलेल्या विद्यार्थ्यांना गौरवण्यात आले.चंदन क्षीरसागर, निनाद सोनस,विजय काकळीज,दिलीप गोटे,यांनी आपले मनोगत व्यक्त केले.कार्यक्रमास जेष्ठ सभासद तसेच स्थानिक व्यवस्थापन समिती अध्यक्ष,सदस्य तसेच तंत्र निकेतन विद्यालयाचे शिक्षक,शिक्षकेतर कर्मचारी व विद्यार्थी उपस्थित होते.

       कार्यक्रमाचे सूत्रसंचालन आर.आर चव्हाण यांनी केले तर आभार प्रदर्शन डी.पी.बच्छाव यांनी केले.