मी एक तटस्थ पत्रकार....

सा.शनैश्वर टाइम्स ....विशेष संपादकीय

नांदगाव -: संतोष कांदे

सन २००० मध्ये 'चिंचविहीर 'ता.नांदगाव वार्ताहर म्हणून दै.गावकरी या वर्तमानपत्रापासून पत्रकारिता करण्यास सुरुवात केली.जवळपास आठ महिने वार्ताहर म्हणून काम केल्यानंतर जळगाव बुद्रुक वार्ताहर म्हणून जवळपास पाच वर्ष काम केले.त्यानंतर देशदूत एक वर्ष,दै.सकाळ पाच वर्ष,लोकमत एक वर्ष,सा.आधुनिक किसान एक वर्ष,दै.लोकमंथन दोन वर्ष,दै.पुण्यनगरी पाच वर्ष,दै.पुढारी दीड वर्ष,दै.गावकरी दोन वर्ष,असे जवळपास २३ वर्ष पत्रकारिता केली.व अजूनही करत आहे.या कालावधीत अनेक चढ -उतार अनुभवण्यास मिळाले.ज्यांना मोठे केले.त्यांनी पाय ओढण्याचे प्रामाणिक प्रयत्न केले.आणि माझी बदनामी करण्यात ही त्यांनी हात आखडता घेतला नाही..हे विशेष ..!

     माझ्या जळगाव बुद्रुक गावापासून ते तालुका स्तरीय अनेक नेत्यांना मोठे करण्यात माझी पत्रकारिता कामी आली.त्याबद्दल अनेकांनी जाणीव ठेवली तर अनेकांनी ठेवली नाही.मात्र त्याचा मला अजिबात खेद नाही.कारण त्यांना पुढच्या काळात अनुभव आल्याने माझी उणीव प्रकर्षाने जाणवली.हे माझ्या पत्रकारितेचे यश म्हणावे लागेल.

      गेली २३ वर्ष पत्रकारिता करत असताना माजी आमदार अँड.अनिल आहेर ते विद्यमान आमदार सुहास कांदे यांच्या पर्यंत पत्रकारिता सुरु आहे.मधल्या काळात संजय पवार,पंकज भूजबळ यांची ही कारकीर्द मी जवळून बघितली.जनतेच्या प्रश्नांवर लिहत असताना अनेकांना अंगावर मी घेतलेय.अधिकाऱ्यांवर गुन्हा दाखल करण्यापर्यंत चा माझा प्रवास् आहे.

      तर या तेवीस वर्षात जिल्हा पत्रकार संघ ते माजी मुख्यमंत्री ना.देवेंद्र फडणवीस,उपमुख्यमंत्री ना.छगन भुजबळ,पालकमंत्री ना.दादा भुसे,कृषिमंत्री ना.धनंजय मुंडे,यासह अनेक मान्यवर व्यक्तींच्या हस्ते राज्य ते जिल्हा स्तरीय पुरस्कार मला प्राप्त झाले आहेत.

     आणि या सर्व घडामोडीत माझे अनेक नेत्यांशी जवळचे संबंध निर्माण झाले.त्यात माजी आमदार संजय पवार,अँड.अनिल दादा,विद्यमान आमदार अण्णासाहेब यांच्याशी तर घट्ट मैत्री झाली.मात्र आजच्या सोशल मीडियाच्या काळात लोक या मैत्रीवर शिक्का मारायला लागलेत.

     आमदार सुहास अण्णांच्या घरी दिसलो की,हा पत्रकार त्यांचा अनिल दादाच्या घरी दिसलो की,दादाचा मित्र...माजी आमदार पंकज भुजबळ यांनी तर खूप मोठे सहकार्य केले आहे.ते शब्दात सांगू शकत नाही. मग मी कुणाचा हे कोण ठरवणार.? 

  माजी आमदार अँड .अनिल दादा यांनी ही खूप मोलाची मदत मला आजपर्यंत केली आहे.तर आमदार सुहास अण्णा यांनी ही भरपूर मदत केली,फक्त शल्य एकाच गोष्टीचे आहे.त्यांनी २० सप्टेंबर २०२२ रोजी मदत केली नाही.!

पण असो....सर्वांना माझी एकच विनंती..मी एक सच्चा पत्रकार आहे.आणि मला कुणाच्याही दावणीला बांधू नका..!