दर्शनासह ,पर्यटन केंद्र म्हणून नावारूपास येतेय....श्री.शनी संस्थान...

सा.शनैश्वर टाइम्स वृत्तसेवा

नांदगाव -: संतोष कांदे

प्रभू रामचंद्रांनी स्वहस्ते स्थापन केलेल्या नस्तनपूर येथील श्री.शनी मंदिरात श्रावण महिन्यानिमित्त दर शनिवारी भाविकांची अलोट गर्दी होत आहे.

   देशातील साडे तीन शनी पिठांपैकी एक पूर्णपीठ असलेल्या नाशिक जिल्ह्यातील नांदगाव तालुक्यात हे श्री.शनी देवतेचे प्रमुख देवस्थान आहे.येथे दरवर्षी शनी अमावस्येला लाखो शनी भक्त दर्शनाचा लाभ घेतात.मुंबई उच्च न्यायालयाचे न्यायाधीश ते राज्याचे अनेक मंत्री,खासदार,आमदार,अनेक वरिष्ठ अधिकारी येथे नियमित दर्शनासाठी हजेरी लावत असतात.

     ( शनिवारी दर्शनासाठी भाविकांची झालेली गर्दी -छाया -: संतोष कांदे )

              पोलीस चौकी सतत सुरु ठेवण्याची गरज

 मंदिर सुरक्षा व भाविकांच्या सुरक्षेसाठी येथे पोलीस स्टेशनची निर्मिती करण्यात आली आहे.मात्र अपुऱ्या पोलीस बळाअभावी फक्त यात्रा प्रसंगीच येथे पोलीस बंदोबस्त दिला जातो.विद्यमान मंत्री.ना.छगन भुजबळ यांनी सुमारे साडे चार कोटी रुपये निधी देऊन या परिसराचा कायापालट केला आहे.

      भक्त निवास व्यवस्था,भोजन व्यवस्था,प्रशस्त पार्किंग व्यवस्था,निसर्गरम्य वातावरण अशा एक अनेक कारणाने येथील परिसर भक्तिमय वातावरणासह मनमोहक बनला आहे.येथे येणारा भाविक श्री.शनी देवतेच्या दर्शनाने तृप्त होतोच ; त्याचबरोबर येथील नयनरम्य वातावरण त्याला मंत्रमुग्ध करते.

       सुयोग्य नियोजन आणि सुरक्षितता 

    या श्री.शनी संस्थांनचे जनरल सेक्रेटरी माजी आमदार अँड.अनिल आहेर व त्यांचे सहकारी व कर्मचारी यासाठी अहोरात्र मेहनत घेत असतात.त्यांच्या सुयोग्य नियोजनामुळे भाविकांना येथे सर्व प्रकारची सुरक्षितता लाभत असल्याचे दिसून येते.येथील कर्मचारी ही शिस्तीत काम करत असल्याने श्री.शनी भक्तांची कुठलीही गैरसोय होत नसल्याचे दिसून येते.

      दर शनिवारी देशभरातून येथे भाविक हजेरी लावून श्री.शनी देवतेच्या दर्शनाचा मोठ्या संख्येने लाभ घेत असल्याचे दिसून येत आहे.