नांदगाव तालुक्यात एक तारीख एक तास श्रमदान उपक्रम यशस्वी.! -: गणेश चौधरी

सा.शनैश्वर टाइम्स वृत्तसेवा

नांदगाव -: संतोष कांदे

पंतप्रधान नरेंद्र मोदी यांच्या संकल्पनेतून तालुक्यातील नागापूर ग्रामपंचायत परिसरात एक तारीख एक तास श्रमदानं हा उपक्रम राबवण्यात आला.

          केंद्र शासनाच्या निर्देशानुसार १५ सप्टेंबर ते २ ऑक्टोबर या कालावधीत संपूर्ण देशभर स्वच्छता पंधरवडा राबवण्यात येत आहे.या उपक्रमाचा एक भाग म्हणून "एक तारीख एक तास श्रमदान" हा उपक्रम प्रत्येक वाडी, वस्ती, गाव , शहर यामध्ये राबविण्याचे प्रस्तावित होते. 

       त्या त्या गावातील  शाळेजवळील परिसर ग्रामपंचायत स्तरावर विविध भागामध्ये सामूहिक स्वच्छता करणेसाठी " एक तास श्रमदान" कार्यक्रमांचे नियोजन करण्यात आले.

त्यानुसार नागापूर ग्रामपंचायत येथे ही स्वच्छता मोहिम राबविण्यात आली. नागापूरचे सरपंच राजेंद्र पवार, गटविकास अधिकारी गणेश चौधरी, तालुका आरोग्य अधिकारी संतोष जगताप, गट शिक्षणाधिकारी प्रमोद चिंचोले व इतर खातेप्रमुख, तालुक्यातील अधिकारी , कर्मचारी, ग्रामसेवक,आशा वर्कर, मुख्याध्यापक, शिक्षक, अंगणवाडी सेविका,ग्रामपंचायत कर्मचारी, ग्रामस्थ यांनी मोठ्या प्रमाणात योगदान देऊन सदर स्वच्छता मोहिम यशस्वी केली.

सरपंच राजेंद्र पवार यांनी महिन्यातून एक दिवस अशी मोहिम राबविण्याचा संकल्प याप्रसंगी केला. त्यास ग्रामस्थांनी सकारात्मक प्रतिसाद दिला.