दृष्काळ जाहीर करूनच आणणार -: आ.सुहास कांदे

सा.शनैश्वर टाइम्स वृत्तसेवा

नांदगाव -: संतोष कांदे

तालुक्यातील दृष्काळी परिस्थिती सर्वपरिचित असतानाही प्रशासनाचा दोष की,अन्य काही कारणाने दृष्काळ जाहीर होऊ शकला नाही.याविरोधात सत्ताधारी आमदार सुहास कांदे यांच्या सोबत विरोधक ही एकटवल्याने शेतकऱ्यांच्या आशा पल्लवीत झाल्या आहेत.

   

   जुन महिन्यात जेमतेम पडलेल्या पावसावर शेतकऱ्यांनी एकरी चाळीस ते पन्नास हजार रुपये खर्च करून खरीप हंगाम साधण्याचा प्रयत्न केला होता.मात्र त्यानंतर सर्व नक्षत्र कोरडे गेल्याने सर्वच पिकांची गणती केवळ जनावरांचा चारा यात झाली.

    यंदा दृष्काळ पडल्यात जमा झाल्याचे गृहीत धरून आमदार सुहास कांदे,माजी आमदार अँड.अनिल आहेर,राष्ट्रवादी काँग्रेसचे तालुकाध्यक्ष महेंद्र बोरसे,उद्धव ठाकरे गटाचे पदाधिकारी यांनी दृष्काळ जाहीर करण्याबाबत आपापल्या स्तरावरून प्रयत्न सुरु केले आहेत.

        एकूणच सत्ताधारी पक्षाचे आमदार सुहास कांदे यांनी तर आपल्याच सत्तेविरोधात केवळ तालुक्यातील शेतकऱ्यांवर अन्याय होऊ नये,म्हणून न्यायालयात जाण्याचा इशारा दिला आहे.आणि त्यांचा हा इशारा नसून ते खरोखर शब्द खरा करतील.याची खात्री यामागे घडलेल्या घटनेतून शेतकऱ्यांना आली आहे.