नांदगाव तालुक्यातील एकही शेतकरी पिक विम्याच्या भरपाई पासून वंचित राहू नये,याची काळजी प्रशासनाने घ्यावी -: महेंद्र बोरसे

सा.शनैश्वर टाइम्स वृत्तसेवा

नांदगाव -: संतोष कांदे

दृष्काळग्रस्त नांदगाव तालुक्याच्या सर्व महसूल मंडळातील पिक विम्यासाठी केलेले दावे पात्र व्हावेत,व शेतकऱ्यांना पिक विम्याची अग्रीम रक्कम व त्यानंतर वाढीव रक्कम मिळेल.यासाठीची आवश्यक ती पूर्तता करावी अशी मागणी राष्ट्रवादी काँग्रेस (शरद पवार गट) चे तालुकाध्यक्ष महेंद्र बोरसे यांनी तहसीलदारांकडे केली आहे.  

      या निवेदनात पुढे असे म्हटले आहे की,दी ओरिएंटल इन्शुरन्स कंपनी लिमिटेड ने जिल्हाधिकाऱ्यांना पाठवलेल्या पत्रात केंद्र शासनाच्या सुधारित निर्देशाचे पालन पिक विमा दावा करताना केलेले नाही.झालेल्या पिक नुकसानीचे परीक्षण योग्य रीतीने झालेले नसल्याचा आक्षेप विमा कंपनीने नोंदवला आहे.तंत्रज्ञानावर आधारित नुकसान भरपाई ठरवण्याचा अवलंब केलेला नाही,पिकांची प्रत्यक्ष कापणी झाल्यावर उत्पादनात येणारी घट आणि होणारे नुकसान हे सर्व मंडळ गटात हंगामातील प्रतिकूल परिस्थितीने दिल्या जाणाऱ्या आगावू रकमेपेक्षा निःसंशय ज्यास्त असणार आहेत. असे जिल्हा कृषि अधिक्षक यांचे प्रमाणपत्र मिळणे आवश्यक आहे.आणि पिक विमा अर्जाची छाननी सुरु असून,अनेक अर्जात अनियमितता व बनावटपणा दिसून येत असल्याचा गंभीर आक्षेप कंपनीने नोंदवला आहे.

        यासह अनेक गंभीर आक्षेप व पिक विम्यासाठी शासनाने घालून दिलेल्या अनेक मार्गदर्शक सूचनांचे पालन झाले नसल्याचे कंपनीने म्हटले आहे.तालुक्यातील भिषण दृष्काळी परिस्थिती बघता सर्व वेगवेगळ्या टप्यात भरपाई साठी निश्चितच पात्र आहेत.तालुका स्तरावरून संबंधित यंत्रणांना उचित आदेश पारीत करून हवालदील झालेल्या शेतकऱ्यांना दिलासा द्यावा अशी मागणी तालुकाध्यक्ष श्री.बोरसे यांनी  शेवटी केली आहे.