शरीराचे आरोग्य जोपसण्यासाठी खेळ महत्वाचे.! पोलीस निरीक्षक चौधरी

सा.शनैश्वर टाइम्स वृत्तसेवा 

नांदगाव -: वार्ताहर

शारीरिक आरोग्य जोपसण्यासाठी खेळांचे आपल्या आयुष्यात अनन्यासाधारण महत्व आहे.आणि खेळांमधूनच क्षमता व प्रगती तपासता येते असे प्रतिपादन नांदगाव पोलीस स्टेशनचे पोलीस निरीक्षक प्रीतम चौधरी यांनी केले.

     मराठा विद्या प्रसारक समाजाच्या कला ,विज्ञान व वाणिज्य महाविद्यालयात आयोजित आंतर विद्यालयीन फुटबॉल क्रीडा स्पर्धेचे उदघाट्न प्रसंगी ते बोलत होते.

     सावित्रीबाई फुले पुणे विद्यापीठ, शारीरिक शिक्षण क्रीडा मंडळ पुणे, नाशिक जिल्हा विभागीय क्रीडा समिती नाशिक व मराठा विद्या प्रसारक समाजाचे कला वाणिज्य व विज्ञान महाविद्यालय नांदगाव यांच्या संयुक्त विद्यमाने आंतर  महाविद्यालयीन फुटबॉल मुली क्रीडा स्पर्धा महाविद्यालयात आयोजित करण्यात आल्या होत्या.

        या स्पर्धेसाठी नाशिक जिल्ह्यातून एकूण बारा संघांनी प्रवेश घेतला होता.स्थानिक व्यवस्थापन समितीचे सदस्य शरद पाटील यांनी खेळाडूंना स्पर्धेकरिता शुभेच्छा दिल्या.कार्यक्रमाचे अध्यक्ष महाविद्यालयाचे प्राचार्य डॉ. एस. एन. शिंदे यांनी क्रीडा स्पर्धेचे महत्त्व, सध्याचे खेळाडू, त्यांना येणाऱ्या अडचणी तसेच सध्याच्या खेळाडूंची मानसिकता यावर संबोधित केले. कार्यक्रमाची सांगता प्रा. एल.एम. गळदगे यांनी सर्वांचे आभार मानून करण्यात आले.

या स्पर्धेच्या अंतिम सामन्यात एचपीटी महाविद्यालय व बी वाय के महाविद्यालय नाशिक यांच्यात चुरशीचा सामना होऊन एचपीटी महाविद्यालयाने जिल्हा आंतर महाविद्यालयीन फुटबॉल मुली स्पर्धेचे विजेतेपद पटकावले. तर बी वाय के महाविद्यालयाला द्वितीय क्रमांक मिळाला. या सामन्यासाठी पंच म्हणून श्री रहीम पठाण व त्यांचे सहकारी यांनी काम केले.

या स्पर्धेच्या यशस्वीतेसाठी महाविद्यालयाचे प्राचार्य डॉ एस एन शिंदे, उपप्राचार्य डॉ एस ए मराठे, शारीरिक शिक्षण व क्रीडा संचालक श्री. एल. एम. गळदगे महाविद्यालयातील प्राध्यापक वर्ग व शिक्षकेतर कर्मचारी यांनी परिश्रम घेतले.