आशा सेविकांना ऑनलाईन कामे देऊ नयेत....अन्यथा बेमुदत संप..! कॉ.विजय दराडे

सा.शनैश्वर टाइम्स वृत्तसेवा

नांदगाव -: संतोष कांदे

 सातवी ते आठवी पास असलेल्या  आशा सेविकांना सर्व प्रकारची ऑनलाईन कामे देऊ नयेत.व या कामांची सक्ती ही करू नयेत.तसेच त्यांना दिवाळी बोनस जाहीर करावा.आदी मागण्यांसाठी तालुक्यातील आशा सेविकांनी जिल्हा सचिव कॉ. विजय दराडे यांच्या मार्गदर्शनाखाली पंचायत समितीसमोर धरणे आंदोलन केले.

     यावेळी कॉ.दराडे यांनी आशा सेविकांना पी.एम.एम.व्ही.वाय.चे ऑनलाईन अर्ज भरणे,व्ही.वीन च्या संकेत स्थळावर  लसीकरणाची नोंद करणे,आभा कार्ड काढणे,आदी ऑनलाईन कामांची सक्ती केली जात आहे.सदर कामे करण्यासाठी प्रशिक्षित कर्मचारी अपेक्षित असतात.मात्र ह्या आशा सेविका सहावी,सातवी,आठवी किंवा पास किंवा फार तर बारावी पास असे शिक्षण घेतलेल्या आहेत.त्यामुळे त्यांना सदर कामे देऊन त्यांची कुचंबणा होत असल्याचे या निवेदनात म्हटले आहे.

      महाराष्ट्रातील सुमारे ७० हजार आशा सेविकांनी राज्यातील अनेक कठीण प्रसंगात जीव धोक्यात घालून आपली सेवा बजावली आहे.तरी शासनाने याचा विचार करून या आशा सेविकांना ऑनलाईन कामे देऊ नयेत.व या कामांची सक्ती ही करू नयेत.तसेच येत्या दिवाळी सणाचा बोनस ही त्यांना देण्यात यावा अशी मागणी या निवेदनात करण्यात आली आहे.