दृष्काळ जाहीर न झाल्यास आंदोलन छेडण्याचा राष्ट्रवादी काँग्रेसचा इशारा

सा.शनैश्वर टाइम्स वृत्तसेवा

नांदगाव -: संतोष कांदे

तालुक्यातील दुष्काळासंदर्भात तालुका प्रशासनाने हयगय केल्यास लोकशाही मार्गाने तीव्र आंदोलन छेडण्यात येईल.असा इशारा राष्ट्रवादी काँग्रेसचे (शरद पवार गट) तालुकाध्यक्ष महेंद्र बोरसे यांनी दिला आहे.

(मका पिकाला कणसे न आल्याने उभ्या पिकात मेंढया सोडून देण्यात आल्यानंतर त्या पिकाची अशी अवस्था झाल्याचे चित्र तालुक्यात सर्वत्र दिसून येत आहे.) 

       बळीराजाला कधीही न आवडणारा कोरडा दुष्काळ ह्या वर्षी नांदगांव तालुक्याच्या नशिबी आला आहे.कृषि उत्पन्न व पशुधन ह्या महत्वाच्या बाबी वर दुष्काळामुळे गंभीर परिणाम होणार असे चित्र हळूहळू स्पष्ट होऊ लागले आहे.

        शासनस्तरावरून दृष्काळी परिस्थितीत हेक्टरी अनुदान, जमीन महसुलात सूट , कर्ज वसुलीस सूट अथवा कर्जमाफी, कृषिपंप विजबिलात सूट, विद्यार्थी शैक्षणीक फि माफी, रोजगार हमी योजनेच्या नियमात शिथिलता, पर्यायी पाणी पुरवठा, दीर्घकालीन मध्यान्ह भोजन योजना व्यवस्था, चारा छावणी, पशुधनासाठी वैद्यकीय मदत, फळबागा पुनर्वसन निधी,पुढील हंगामासाठी देण्यात येणारी अतिरीक्त मदत इत्यादी बाबी मार्फत दिल्या जातात.त्या अनुषंगाने हा दृष्काळ लवकरात लवकर जाहीर होणे गरजेचे आहे.

        जिल्हा दुष्काळ देखरेख समितीमार्फत वस्तुस्थितीदर्शक अहवाल राज्य दुष्काळ देखरेख समितीकडे पाठवून समावेशाची शेवटची तारीख १९ऑक्टोबर असल्याने २२ सप्टेंबर ते १६ ऑक्टोबर ह्या कालावधीत नांदगावच्या तहसीलदारांना वारंवार निवेदन सादर करून शास्त्रीय निकषानुसार अहवाल सादर करण्यासंदर्भात मागणी करण्यात येऊनही अगदी शेवटच्या क्षणापर्यंत प्रशासनाची धांदल उडालेली असावी अशी शंका उपस्थित व्हावी.असा आरोप ही श्री.बोरसे यांनी केला आहे.