माजी विद्यार्थी व पालक महाविद्यालयाचा कणा .! अमित पाटील

सा.शनैश्वर टाइम्स वृत्तसेवा

नांदगाव -: वार्ताहर

शिक्षक ,विद्यार्थी आणि पालकांमधील परस्पर नातेसंबंध कसे असावेत.यावर सखोल विवेचन करत माजी विद्यार्थी व पालक महाविद्यालयाचा कणा असतात.असे प्रतिपादन मराठा विद्या प्रसारक समाज संस्थेचे तालुका संचालक अमित बोरसे यांनी केले.ते पालक,माजी विद्यार्थी मेळाव्यात मार्गदशन करत होते.

    (पालक व माजी विद्यार्थी मेळाव्यात मार्गदर्शन करताना अमित पाटील )

  येथील कला,वाणिज्य व विज्ञान महाविद्यालयात पालक व माजी विद्यार्थी मेळावा आयोजित करण्यात आला होता.कार्यक्रमाचे प्रमुख पाहुणे म्हणून संचालक श्री.पाटील उपस्थित होते.माजी विद्यार्थी तथा भाजप व्यापारी आघाडीचे माजी जिल्हाध्यक्ष दत्तराज छाजेड यांनी महाविद्यालयीन जुन्या आठवणींना यावेळी उजाळा दिला.

      प्राचार्य डॉ. एस.एन. शिंदे यांनी महाविद्यालयात विद्यार्थ्यांना देण्यात येत असलेल्या सुविधांची माहिती दिली.याबरोबर माजी विद्यार्थी अँड.विद्या कसबे,प्रा.गोकुळ बोरसे,प्रा.एस.जी.पवार,अनिल कोतकर, राजेंद्र गांगुर्डे,दिगंबर बोरसे यांनी आपले अनुभव सांगितले.

     उप -प्राचार्य डॉ.एस.ए. मराठे यांनी महाविद्यालयात सुरु असलेल्या उपक्रमांची माहिती यावेळी दिली.कार्यक्रमाचे सूत्रसंचालन श्रीमती जे.डी. पवार यांनी केले तर प्रा.आर.व्ही.वाघ यांनी आभार मानले.

       कार्यक्रमासाठी विज्ञान सत्र प्रमुख डॉ. डी. डी. काजळे,  अंतर्गत मूल्यांकन समिती प्रमुख डॉ. व्ही. बी. सोनवणे, डॉ. पी. टी. निकम, प्रा. एम. बी. आटोळे, प्रा. पी. पी. शार्दुल, डॉ. आर. एस. हिरे, श्रीमती बी. बी. धोंगडे, प्रा. डी. वाय. तुंगार, प्रा. ए. बी. जाधव  इतर प्राध्यापक व कर्मचारी वर्ग या कार्यक्रमास उपस्थित होते.