मनमाड चा पाणीप्रश्न सोडवण्यासाठी आमदार कांदेंचे भगीरथ प्रयत्न.! मनमाड - करंजवण योजनेचे काम प्रगतीपथावर.!

सा.शनैश्वर टाइम्स वृत्तसेवा

नांदगाव -: संतोष कांदे

 हिंदुह्रदयसम्राट बाळासाहेब ठाकरे मनमाड -  करंजवण  पाणीपुरवठा योजनेअंतर्गत येणाऱ्या पाऊणे चार लाख लिटर क्षमतेच्या जल कुंभाचे भूमिपूजन आज मनमाड येथे करण्यात आले.

      आमदार सुहास कांदे यांनी नांदगाव विधानसभा मतदार संघाची धुरा हाती घेतल्यापासून झपाटल्यागत विकासकामे होत आहेत.सर्वात महत्वाचा व सर्वांच्या जिव्हाळ्याचा असलेला  पाणीप्रश्न सोडवण्याला त्यांनी प्राधान्य दिल्याने साहजिकच जनतेला मोठा दिलासा येत्या काळात मिळणार आहे.

      नुसत्या घोषणा न करता त्यांनी हा पाणी प्रश्न जलद गतीने सोडवण्यावर भर दिली असल्याचे प्रत्यक्ष होत असलेल्या पाणी पुरवठ्याच्या कामावरून दिसून येत आहे.या कामाची माहिती देताना मुख्याधिकारी श्री.चौधरी यांनी सांगितले की करंजवण धरणातील जॅकवेल चे काम ८० टक्के पूर्णत्वाकडे आले आहे.तर मनमाड शहरालगत सुरू असलेले केंद्राचे काम ८० टक्के पूर्ण होऊन जवळपास ६० किलोमीटर पाईपलाईन टाकून झाले आहेत. व मनमाड शहरात तीन जलकुंभ निर्मितीचे काम लवकरच सुरू करण्यात येत असल्याचे ते म्हणाले.

         यावेळी माजी आमदार राजेंद्र देशमुख,युवा सेना जिल्हाध्यक्ष फरहान खान, उपजिल्हाप्रमुख सुनील हांडगे, तालुका प्रमुख साईनाथ गिडगे, शहर प्रमुख मयूर बोरसे,  अल्ताफ बाबा खान, राजाभाऊ भाबड, आर पी आय जिल्हाप्रमुख राजाभाऊ अहिरे, युवासेना शहर प्रमुख योगेश इमले, नितीन पांडे, दिलीप तेजवानी,गंगाभाऊ त्रिभुवन, असलम खान, नाना शिंदे, वाल्मीक आंधळे, अमिन पटेल, रवींद्र घोडेस्वार, गालिब शेख, महेंद्र शिरसाठ, राकेश ललवाणी,आदिंसह शेकडो पदाधिकारी व शिवसैनिक व नागरिक उपस्थित होते.