दारू पिऊन त्रास देतो ; म्हणून पत्नीने लेकाच्या मदतीने नवऱ्याचा केला खून .!
सा.शनैश्वर टाइम्स वृत्तसेवा
नांदगाव दि. ७ वार्ताहर
यमराजा कडून पतीचे प्राण परत आणणाऱ्या सावित्रीची कथा लोक अजून ही विसरलेले नाहीत.मात्र आजच्या आधुनिक सावित्री पतीला यम सदनी स्वतः च पाठवत असल्याच्या घटना सातत्याने घडताना दिसत आहेत.न्यायडोंगरी (ता.नांदगाव) येथील गायकवाड कुटुंबंातील एका पत्नीने पती रोज दारू पिऊन त्रास देतो म्हणून अल्पवयीन लेकाच्या मदतीने नवऱ्याचा खून केल्याची धक्कादायक घटना घडली आहे.
येथील संजय गायकवाड (वय -३७) हा रोज दारू पिऊन पत्नी उषा हिला त्रास देत असे,त्याच्या रोजच्या त्रासाला कंटाळून उषा ने अल्पवयीन मुलाच्या मदतीने नायलॉन दोरीने त्याचा गळा आवळून त्याला ठार केले,मृताच्या आईने तशी फिर्याद दिल्यावरून नांदगाव पोलिसात उषा व मुलगा यांच्या विरोधात खुनाचा गुन्हा दाखल करण्यात आला असून,पुढील तपास पोलीस उप अधीक्षक सोहेल शेख ,पोलीस निरीक्षक प्रीतम चौधरी यांच्या मार्गदर्शनाखाली पोलीस उपनिरीक्षक मनोज वाघमारे,पोलीस नाईक चव्हाण,दत्ता सोनवणे,अनिल शेरेकर,भारत कांदळकर,विनायक जगताप करत आहेत.
Comments
Post a Comment