अशी ही एक गरिबांची दिवाळी...!

सा.शनैश्वर टाइम्स वृत्तसेवा

नांदगाव -: संतोष कांदे

तालुक्यात भिषण दृष्काळी परिस्थिती....आणि अशातच दिवाळी सण.... तालुक्यातील ४० टक्के लोकसंख्या ऊसतोड तसेच अन्य कारणासाठी महिन्यापूर्वीच स्थलांतरीत झाली आहे.मात्र ज्यांना आता मेहनतीचे कामे होत नाहीत.ती लोक पोटाला चिमटा घेऊन आला दिवस कंठत आहे,त्या लोकांसाठी शहरातील शिवसंस्कार बहुुद्देशीय संस्थेच्या वतीने एक हात मदतीचा उपक्रम राबवण्यात आला.

या उपक्रमाचे सोशल मीडियातून चांगलेच कौतुक झाले.

      घरातील कर्ते पोटापाण्याची सोय करण्यासाठी अगोदरच तालुका सोडून गेले,त्या गरीब कुटूंबात दिवाळीचा आनंद पेरावा,म्हणून या गरजू कुटूंबांना दिवाळीचा गोड फराळ वाटप करून शिवसंस्कार बहुुद्देशीय संस्थेच्या सदस्यांनी आपले सामाजिक उतरदायित्व निभावले.याबद्दल त्यांचे समाजाच्या सर्व स्तरातून कौतुक होत आहे.

    ढासे मळा, जतपुरा रोड,येथील गरीब कुटूंबाच्या घरी जाऊन त्यांना दिवाळीच्या शुभेच्छा दिल्यात,पण त्याचबरोबर त्यांना दिवाळी चे फराळ देऊन दिवाळीचा आनंद द्विगुणित केला.

        शिवसंस्कार बहुउद्देशीय संस्थेचे नूतन अध्यक्ष प्रकाश ढगे, उपाध्यक्ष नरेंद्र पारख, जगन्नाथ सालुंके, गरुड़ नाना, राजेंद्र दुसाने, वामनदादा पोतदार, बळवंत शिंदे, संजय पटेल, प्रसाद बुरकुल, सामाजिक कार्यकर्ते संजय मोकळ, सुमित गुप्ता, सुशिल बागुल, नारायण वाघ आदि सदस्य आणि नागरिक उपस्थित होते.

     या उपक्रमाचे नियोजन संस्थेचे सर्वेसर्वा सुमित गुप्ता यांनी केले.