ब्रेकिंग न्यूज.... दृष्काळाचा पहिला बळी.! सर्प दंशाने पाच वर्षीय बालकाचा मृत्यू.!

सा.शनैश्वर टाइम्स वृत्तसेवा

नांदगाव -: संतोष कांदे

दृष्काळ पडल्याने शेतीत काहीच पिकले नाही,म्हणून पाळीव जनावरे व स्वतःच्या कुटुंबंांची उपजीविका चालवण्यासाठी ऊसतोडीसाठी गेलेल्या पांडुरंग गावंडे याच्या एकुलत्या एक पाच वर्षीय लेकराचा विषारी साप चावल्याने मृत्यू झाल्याची घटना तालुक्यातील जळगाव बुद्रुक येथे घडली.

      

 दिवसेंदिवस तालुक्यातील दृष्काळाचे संकट गडद होत चालले आहे.ते आता प्राणावर बेतू लागल्याने दृष्काळाचे गांभीर्य समोर येत आहे.तालुक्यातील जळगाव बुद्रुक येथील पांडुरंग गावंडे हा पत्नी सह ऊसतोडीसाठी पुणे जिल्ह्यात गेलेला आहे.त्याचा पाच वर्षीय मुलगा कुश गावंडे (वय- ५) हा आजोबा नामदेव गावंडे यांच्याकडे जळगाव बुद्रुक येथील मळ्यातील घरी होता.

    काल सायंकाळी घराजवळ खेळत असताना कोब्रा नामक विषारी सापाने कोंबडी तोंडात धरलेली त्याला दिसली.कोंबडी ला सोडवण्याच्या प्रयत्नात त्याला एकदा ,दोनदा नव्हे तर तीन वेळेस दंश केला.त्याला त्तकाळ नांदगाव ग्रामीण रुग्णालयात दाखल केले.वैद्यकीय अधिकारी डॉ. श्रीमती तुसे व डॉ.श्रीमती नेहरकर यांनी त्याच्यावर उपचार केले.दोनदा ह्रदय बंद पडल्यानंतर ही त्याला शुद्धीवर आणण्यात यश मिळवले.मात्र तिसऱ्या प्रयत्नात त्याच्या नाकातून रक्त आल्याने त्याचा दुर्दवी मृत्यू झाला.

  ऊसतोडीसाठी गेलेले त्याचे आईवडील रात्री उशिरा दोन वाजता जळगाव बुद्रुक येथे आले.   आज सकाळी त्याच्यावर शोकाकुल वातावरणात अंत्यसंस्कार करण्यात आले.या कुटुंबाला शासकीय मदत देण्याची मागणी ग्रामस्थांनी यावेळी केली आहे.