पावसाने झालेल्या नुकसानीचा पंचनामा करून शेतकऱ्यांना त्तकाळ मदत द्यावी. -: बोरसे यांची मागणी

सा.शनैश्वर टाइम्स वृत्तसेवा

नांदगाव -संतोष कांदे

अवकाळी पाऊस व गारपीटीने झालेल्या नुकसानीचे पंचनामे करून भरपाई द्यावी,अशी मागणी नांदगाव तालुका राष्ट्रवादी काँग्रेसचे अध्यक्ष महेंद्र बोरसे यांनी केली आहे.

      दुष्काळाची दाहकता नशिबी आलेल्या तालुक्याला आज अवकाळी पाऊस व गारपिटीने झोडपून काढले, काही ठिकाणी कांदा पिकांचे, इतर तालुक्यातून विकत घेऊन साठवलेल्या  चाऱ्याचे, व मालमत्तेचे नुकसान झाले आहे.

         जवळपास सर्व महसूल मंडळात अवकाळी पाऊस/पडलेला आहे. वीमा कंपनीच्या माध्यमातून भरपाई मिळविण्याकरिता वैयक्तिक पंचनामे होणे आवश्यक आहे. वैयक्तिक पंचनामे झाले तरच नुकसान भरपाई निश्चित केली जाते. त्यामुळे ज्या महसूल मंडळात पाऊस झालेला आहे तेथील शेतकऱ्यांनी पीकविमा कंपनीला ७२ तासाच्या आत पूर्वसूचना  द्यावी.असे ही बोरसे यांनी सुचवले आहे.

          प्रशासनाने आपल्या स्तरावरून उचित दखल घेऊन बाधितांना न्याय देण्यासाठी सतर्क राहून काटेकोर पंचनामे करून भरपाई देण्यासाठी कारवाई करावी अशी मागणी राष्ट्रवादी काँग्रेस पक्षाचे तालुकाध्यक्ष महेंद्र  बोरसे यांनी केली आहे.