एन.एस.एस.च्या माध्यमातून उत्कृष्ट विद्यार्थी घडवले जातात -: अमित बोरसे

सा.शनैश्वर टाइम्स वृत्तसेवा

नांदगाव -: संतोष कांदे

येथील मराठा विद्या प्रसारक समाजाच्या कला वाणिज्य व विज्ञान महाविद्यालयात राष्ट्रीय सेवा योजनेच्या विशेष हिवाळी श्रमसंस्कार शिबिराचे उदघाटन नांदगाव नगरपालिकेचे माजी उपनगराध्यक्ष चंद्रशेखर कवडे यांचे हस्ते करण्यात आले.

        कार्यक्रमाच्या अध्यक्षस्थानी मराठा विद्या प्रसारक समाज संस्थेचे तालुका संचालक अमित बोरसे होते.तर कार्यक्रमाचे प्रस्ताविक प्राचार्य डॉ. एस.एन. शिंदे यांनी केले.त्यांनी यावेळी महाविद्यालयात होणाऱ्या विविध कार्यक्रमातून विद्यार्थ्यांच्या कला गुणांना वावं देत असल्याची बाब अधोरेखित केली.तर प्रमुख पाहुणे श्री.कवडे यांनी विद्यार्थ्यांना आत्मनिर्भरतेचे महत्व पटवून दिले.अध्यक्षीय भाषणातून श्री.बोरसे यांनी एन.एस.एस.च्या माध्यमातून विद्यार्थी कसा घडवला जातो हे सौदाहरण स्पष्ट केले.

        महाविद्यालयाचे राष्ट्रीय सेवा योजना अधिकारी प्रा एस आर जाधव यांनी आपल्या मनोगतातून राष्ट्रीय सेवा योजनेची पार्श्वभूमी विशद केली. यावेळी दिलीपराव पाटील,विठ्ठल दादा आहेर,  सुदामराव काळे,रमेश बोरसे डॉ. प्रवीण निकम,  अरविंद पाटील, .राहुल पवार, सोमासे, महाविद्यालयाचे उपप्राचार्य डॉ.एस.ए मराठे आदि मान्यवर उपस्थित होते. कार्यक्रमाची सुरुवात दीपप्रज्वलन, प्रतिमापूजन व साहित्य पूजनाने करण्यात आली. कार्यक्रमाचे सूत्रसंचालन प्रा. बी.के. पवार व आभार प्रदर्शन प्रा. डी वाय आहेर यांनी केले. कार्यक्रमाची सांगता वंदे मातरम या गीताने करण्यात आली. सदर कार्यक्रम यशस्वीतेसाठी कनिष्ठ महाविद्यालय प्रमुख श्री आर.टी. देवरे, सर्व प्राध्यापक व शिक्षकेतर वृंदांनी परिश्रम घेतले.