राजकीय अस्थिरतेचा नांदगाव मतदार संघ..!

राजकीय वृत्तविशेष

सा.शनैश्वर टाइम्स वृत्तसेवा 

नांदगाव - संतोष कांदे

सलग सात वेळी पराभूत झालेले कॉम्रेड कै.माधवराव गायकवाड यांना ही आमदारकीची संधी देणारा नांदगाव मतदार संघ

.....स्वतःच्या समाजाची बोटावर मोजता येईल इतकी मतदार संख्या असणाऱ्या अँड.जगन्नाथ धात्रक यांना चक्क २० हजार मतदानात दुसऱ्यांदा आमदार करणारा हा मतदार संघ....आणि ज्या उमेदवाराचे मतदार च या मतदार संघात उपलब्ध नाहीत,त्यांनाही मतदारांनी भरभरून मते टाकत त्यांनाही आमदारकीची झुल टाकत आमदार केले,असा हा मतदार संघ....आज विकासाच्या वाटेवर गतिमान झाला आहे.मात्र ह्या विकासपुरुषाची कोंडी करण्याचे काम त्यांच्या सत्तेतील लोक करत असल्याचे चित्र लोकांच्या नजरेतून सुटत नाहीये.

            विरोधी पक्ष विविध आंदोलने करत आहेच,पण सत्ताधारी ही विरोधी पक्षाच्या भूमिकेत वावरत असल्याचे दिसून येत आहे.त्यांनीही सध्या आंदोलकाच्या भूमिकेत वावरत पक्षनिष्ठा दाखवण्याचा आटोकाट प्रयत्न सुरु केल्याचे दिसून येत आहे.

      एकूणच नांदगाव मतदार संघ विकासाच्या वाटेवर असताना विरोधी पक्ष व सत्ताधारी पक्ष यांच्या कोंडीत अडकून भरकटला असल्याचे सध्याचे चित्र आहे.

     या मतदार संघाला मोठी ऐतिहासिक पार्श्वभूमी आहे.प्रथम महसूल मंत्री या तालुक्याने राज्याला दिलाय...राष्ट्रपिता महात्मा गांधी यांनी काहीकाळ वास्तव्य केलेला हा तालुका...जेलमध्ये असणाऱ्या व्यक्तीला आमदार म्हणून निवडून देणारा हा तालुका...घरातील व्यक्ती ला पद दिले की,शेफारून जातात म्हणून पाहुण्यांना यजमान पदाचा तीनदा बहुमान देणारा हा तालुका...

       पाचवीला पुजलेला पाणी प्रश्न सोडवण्याचे महत्वपूर्ण काम विद्यमान लोकप्रतिनिधीने केले.ह्या पूर्वीच्या लोकप्रतिनिधींनी जमेल तितकी कामे आपापल्या परीने करण्याचा प्रयत्न केला आहे.त्यात माणिकपुंज धरण महत्वपूर्ण होय.....

       सध्या सर्वच आलबेल आहे,असे मानण्याचे काही कारण नाहीये.कारण दृष्काळ जाहीर झालाय..पण पदरात अजून एक धोंडा ही पडलेला नाहीये.तो पडेल की नाही...या बाबत सांशकता आहे....

       दृष्काळ जाहीर झाला नाही की,होऊ दिला नाही....यबाबत् विविध चर्चा जनसामान्यात आहेत.बाहुबली नेते एकमेकांची जिरवण्यासाठी सामान्य शेतकऱ्यांचा कसा बळी देतात..याचे उत्तम उदाहरण म्हणजे नांदगाव मतदार संघ....कुणी मुख्यमंत्र्यांच्या जवळचा तर....कुणाच्या खिशात पालकमंत्री...तरीही दृष्काळ जाहीर होऊ शकला नाही....यावरून सुज्ञ काय तो बोध घ्यायचा ते घेतीलच...पण यात मरण सर्वसामान्य शेतकऱ्यांच्या वाटेला आलेय...

        आणि यातही न्यायडोंगरी,नागापर, बाणगावं वगळले आहे....यातच खूप मोठा मतीतार्थ दडलाय....सर्व सुज्ञ आहेत....