भाजपच्या व्यापारी आघाडीच्या उत्तर महाराष्ट्र प्रमुखपदी दत्तराज छाजेड.!

सा.शनैश्वर टाइम्स वृत्तसेवा

नांदगाव -: संतोष कांदे

भाजपच्या व्यापारी आघाडीच्या उत्तर महाराष्ट्र प्रमुखपदी दत्तराज छाजेड यांची निवड करण्यात आली आहे.त्यांचे समाजाच्या सर्व स्तरातून अभिनंदन होत आहे.

        भाजपचे प्रदेशाध्यक्ष चंद्रशेखर बावनकुळे यांच्या सूचनेनुसार व्यापारी आघाडीचे प्रदेशाध्यक्ष  वीरेंद्र कूकरेजा यांनी सदर नियुक्ती केली.श्री.छाजेड हे बालपणापासून राष्ट्रीय 

 स्वयंसेवक संघाचे सदस्य आहेत.

            गेली २५ वर्षांपासून ते पक्षाचे,संघाचे क्रियाशील व निष्ठावंत सदस्य आहेत.त्यांना या काळात विविध पदांवर काम करण्याची संधी पक्षाने व संघाने उपलब्ध करून दिली आहे.आणि त्यांनीही या काळात पक्षाला लोकसभा,विधानसभा,जिल्हा परिषद,पंचायत समिती निवडणुकांमध्ये पक्षाला चांगले मताधिक्क्य मिळवून देण्यात मोलाची भूमिका बजावली आहे.

           श्री.छाजेड यांनी संस्कृती रक्षक केंद्राची स्थापना करून अनेक सामाजिक उपक्रम राबवले आहेत.त्यांना पुणे विद्यापीठ संसदेचे अध्यक्षपद, सिनेट सदस्य पद,भारतीय जैन संघटनेचे उत्तर महाराष्ट्र अध्यक्षपद भूषवले आहे.

    श्री.छाजेड यांच्या नियुक्तीचे सर्व भाजप पदाधिकारी व कार्यकर्त्यांनी अभिनंदन केले आहे.