आमदार सुहास कांदे... एक जलदूत.!

सा.शनैश्वर टाइम्स वृत्तसेवा

नांदगाव -: संतोष कांदे

माझ्या मतदारसंघात विकासकामांसाठी भरघोस निधी मिळणार असेल,तर मला मंत्रिपद नको.! असे स्पष्ट करून वरिष्ठांची अडचण दूर केली.आणि मतदारसंघात भरीव अशी विकासकामे करून सर्वसामान्य जनतेच्या गळ्यातील ताईत ठरलेल्या आमदार सुहास कांदे यांनी आज नांदगाव शहर स्वतंत्र पाणीपुरवठा योजनेचा कार्यारंभ आदेश प्राप्त करून नांदगाव शहरातील जनतेला छपन्न खेडीच्या त्रासातून मुक्तता मिळवून दिल्याने शहरात समाधानाचे वातावरण पसरले आहे.

     आमदार श्री.कांदे यांनी सुमारे ५० कोटी रुपयांची महत्वाकाक्षी पाणीपुरवठा योजना नांदगाव शहरातील जनतेसाठी आणेन..असा शब्द दिला होता.आज कार्यारंभ आदेश मिळवून त्यावर शिक्कामोर्तब झाले.या योजनेअंतर्गत नवीन जलकुंभ,व जलशुद्धीकरण केंद्र ही उभारले जाणार आहे.सन २०४१ पर्यंत वाढत जाणारी लोकसंख्या लक्षात घेऊन सदर योजना राबवली जाणार आहे.शहरातील महिला वर्गाला या योजनेमुळे मोठा दिलासा मिळणार आहे.