शेतकऱ्यांच्या कांदा प्रश्नासाठी खा.शरद पवार रस्त्यावर...!

सा.शनैश्वर टाइम्स वृत्तसेवा

नांदगाव -: संतोष कांदे

 तीन राज्यात बहुमत मिळवून ही भाजपने कांद्यावर निर्यात बंदी लादून शेतकऱ्यांच्या जखमेवर मीठ चोळल्याची भावना शेतकऱ्यांत निर्माण झाली आहे.यावर आवाज उठवण्यासाठी राष्ट्रवादी काँग्रेसचे अध्यक्ष खा.शरद पवार हे चांदवड येथे रास्ता रोको करणार असल्याचे वृत्त आहे.

     नांदगाव तालुक्यासह नाशिक जिल्ह्यातील अनेक तालुके दृष्काळगस्त आहेत.मात्र ज्या शेतकऱ्यांकडे पाणी आहे,त्यांनी रब्बी हंगामातील लाल कांद्याचे पिक घेतले होते.त्या कांदयाला साडे तीन हजार रुपये प्रति क्विंटल पर्यंत भाव मिळत होता.ह्या कांद्याचे उत्पादन एकरी सरासरी ७० ते ८० क्विंटल येत असते.मात्र यंदा पाण्याचे दुर्भीक्ष असल्याने एकरी उत्पादन ३० ते ४० क्विंटल आले.खरीप पिकांची दृष्काळामुळे वासलात लागल्याने रब्बी हंगामात त्याची कसर भरून काढणाऱ्या या मोजक्या शेतकऱ्यांच्या आशा - अपेक्षांवर भाजप शासनाने पाणी फिरवले असल्याची भावना शेतकऱ्यांत आहे.

       खा.शरद पवार नाशिक जिल्ह्यातील चांदवड येथे रास्ता रोको साठी उपस्थित राहणार असल्याची माहिती तालुकाध्यक्ष महेंद्र बोरसे यांनी दिली आहे.