आ.कांदे यांच्या प्रयत्नाने तालुक्यात ऊसतोड मजुरांच्या मुलांसाठी दोन वसतिगृह मंजूर.!

सा.शनैश्वर टाइम्स वृत्तसेवा

नांदगाव -: संतोष कांदे

आमदार सुहास कांदे यांच्या कल्पक विचारातून व गोरगरीब ऊसतोड मजुरांच्या मुलांच्या भविष्याचा विचार करून तालुक्यात संत भगवान बाबा शासकीय वसतीगृह योजनेअंतर्गत दोन वसतिगृह मंजूर करून आणले आहेत.

   दृष्काळ असलेल्या या तालुक्यातील बहुतांश गावातील बहुसंख्य लोक ऊसतोडीसाठी पर जिल्ह्यात गेले आहेत.त्यांच्या मुलांना खाऊ घालण्यासाठी घरी कुणी नसल्याने ही मुले ही पालकांसोबत शिक्षण सोडून गेली आहेत.

       या मुलांच्या शिक्षणाची आबाळ होऊ नये म्हणून आ.कांदे यांनी शासनाकडे या मुलांची खाण्यापिण्याची सोय व्हावी,यास्तव शासकीय वसतिगृह उभारण्याची मागणी केली होती.त्या अनुषंगाने दोन वसतिगृह मंजूर करण्यात आली आहेत.

       तालुक्यातील मोठ्या संख्येने गावात राहत असलेले ऊस तोड कुटुंबीयांची मोठी संख्या आहे, आमदार सुहास  कांदे व सौ. अंजुम कांदे सतत या कामगार कुटुंबियांच्या संपर्कात असतात, या मध्ये बंजारा समाज बांधव तसेच आदिवासी बांधव ऊस तोडीस जात असतात. यांच्या करिता अनेक विकास कामे करीत आमदार सुहास कांदे यांनी सतत या वंचित घटकांना न्याय देण्याचा प्रयत्न केला आहे. 

    प्रतिक्रिया -: सुहास कांदे

  वसतिगृह सुरु झाल्यानंतर या माझ्या ऊसतोड करणाऱ्या बांधवानी मुलांना सोबत नेऊ नये,त्यांचे शिक्षण सुरु राहील याकरिता या वसतिगृहात टाकावी.म्हणून याची निर्मिती झाली आहे.