बचत गटाच्या माध्यमातून महिलांचे सक्ष्मीकरण शक्य -: सौ.अंजुम कांदे

सा.शनैश्वर टाइम्स वृत्तसेवा

नांदगाव  -: संतोष कांदे

आमच्या तालुक्यातील माझ्या महिला भगिनीं ना आर्थिक दृष्ट्या सक्षम करण्याचे स्वप्न मी व आपले आमदार सुहास कांदे यांनी बघितले आहे.आणि ते पूर्ण करण्यासाठी महिला बचत गट हा पर्याय असून,जास्तीत जास्त महिलांनी बचत गट तयार करावेत.असा मोलाचा सल्ला आमदार सुहास कांदे यांच्या पत्नी तथा समाजसेविका सौ.अंजुम कांदे यांनी पोखरी येथील हळदी - कुंकू कार्यक्रमातून दिला.

   

 पोखरीचे सरपंच अँड.किरण गायकवाड व ग्रामपंचायत सदस्या सौ.शीतल गायकवाड यांनी महिला बचत गटातील महिलांचा हळदी - कुंकू कार्यक्रम गावातील श्री.विठ्ठल रुख्मिणी मंदिरात आयोजित केला होता.त्यावेळी सौ.कांदे बोलत होत्या.

    आपल्या ओघवत्या शैलीत बोलताना सौ.कांदे पुढे म्हणाल्या की,भारतीय संस्कृतीत महिलांनी फक्त चुल आणि मूल सांभाळावी असा प्रघात होता.आणि तो करत आजची महिला पुरुषांच्या खांद्याला खांदा लावून आज सर्व क्षेत्रात अग्रेसर आहेत.मात्र ही परिस्थिती फक्त शहरी भागात आहे.

      ग्रामीण भागातील महिला आता कुठे घराबाहेर पडून  बचत गटासारखा वेगळा मार्ग निवडू लागल्या आहेत.आणि ही समाधानाची बाब असून,त्यांना प्रोत्साहन म्हणून ज्या गावात ३० पेक्षा जास्त बचत गट आहेत.त्या गावात बचत गट भवन उभारले जाणार आहेत.आणि सदयस्थितीत १० ते ११ बचत गट भवन मंजूर आहेत.असे ही त्या म्हणाल्या.

       यावेळी महिला आघाडीच्या तालुकाप्रमुख सौ.विद्या मोरे,शहर प्रमुख सौ.रोहिणी मोरे,सौ.संगीता बागुल,विधानसभा संघटक सौ.पूजा छाजेड ,सौ.रंजना वाघमोडे,सौ.बबन बाई माळी,सलमा शेख,रुपाली सापेट,उपसरपंच सौ.वंदना देवरे आदिंसह शेकडो महिला उपस्थित होत्या.यावेळी महिलांना वाण वाटण्यात आले.कार्यक्रमाचे प्रास्तविक सौ.शीतल गायकवाड यांनी केले तर आभार सरपंच अँड.गायकवाड यांनी मानले.