दिंडोरी लोकसभा मतदार संघाच्या सहसंपर्कप्रमुखपदी अल्ताफबाबा खान यांची नियुक्ती..

सा.शनैश्वर टाइम्स वृत्तसेवा

नांदगाव -: संतोष कांदे

 शिवसेनेच्या दिंडोरी लोकसभा मतदारसंघाच्या सहसंपर्कप्रमुखपदी जेष्ठ शिवसैनिक अल्ताफबाबा खान यांची नियुक्ती शिवसेनेचे राज्य सचिव भाऊसाहेब चौधरी यांनी केली,आ.सुहास कांदे यांच्या हस्ते त्यांना नियुक्ती पत्र आज देण्यात आले.

     शिवसेनाप्रमुख बाळासाहेब ठाकरे यांचा आशीर्वाद असलेल्या जुन्या - जाणत्या शिवसैनिकांमध्ये अल्ताफबाबा यांचा समावेश होता.त्यांच्यावर यापूर्वी पक्षाने ग्रामीण जिल्हाप्रमुख,धुळे जिल्हा संपर्कप्रमुख आदी जबाबदाऱ्या दिल्या होत्या.त्या त्यांनी निष्ठेने पार पाडल्या होत्या.

      आज आमदार कांदे यांच्या देवाज बंगल्यावर औपचारिक पद्धतीने त्यांना सहसंपर्कप्रमुखपदी नियुक्ती देण्यात आली.पक्षाचे प्रमुख तथा मुख्यमंत्री ना.एकनाथ शिंदे यांच्या नेतृत्वाखाली व युवा नेते तथा खासदार डॉ. श्रीकांत शिंदे यांच्या मार्गदर्शनाखाली पक्षाचे काम करण्यास मी बांधील असल्याचे अल्ताफबाबा खान यांनी म्हटले आहे.

  याप्रसंगी युवासेना जिल्हाप्रमुख फरहान दादा खान, शिवसेना उपजिल्हाप्रमुख सुनील हांडगे, तालुकाप्रमुख साईनाथ गिडगे, शहरप्रमुख मयूर बोरसे, युवासेना शहर अधिकारी योगेश इमले माजी नगरसेवक पिंटू शिरसाठ, दऊ तेजवानी, आझाद पठाण, लाला नागरे, दादा घुगे, पिंटू वाघ, स्वराज वाघ, सागर आव्हाड, सचिन दरगुडे, कुणाल विसापूरकर, आसिफ पठाण आदी उपस्थित होते.