नांदगावच्या मराठा समाजाकडून आ.सुहास कांदे यांचा सत्कार.!

सा.शनैश्वर टाइम्स वृत्तसेवा

नांदगाव -: संतोष कांदे

मराठा आरक्षणाचे प्रणेते मनोज जरांगे पाटील यांच्या आरक्षण लढ्याला यश मिळत असल्याचे दिसून येत आहे.काल रात्री उशिरा राज्य शासनाने जरांगे पाटील यांच्या ज्या काही मागण्या होत्या,त्याला मंजुरी दिल्याने तालुक्यातील सकल मराठा समाजाच्या वतीने राज्य शासनाचे प्रतिनिधी म्हणून आमदार सुहास कांदे यांचा सत्कार केला.

     आ.कांदे यांच्या निवासस्थानी तालुक्याचे माजी आ.संजय पवार,माजी सभापती विलासराव आहेर,माजी नगराध्यक्ष राजेश कवडे,विठ्ठल आबा आहेर,अशोक निकम,अनंत  आहेर,नंदू पाटील,भरत शेलार,रमेश काकळीज, आनंद कासलीवाल,शरद काजळे,रामचंद्र आहेर आदी नेत्यांनी आमदार सुहास कांदे यांना पेढा भरवून शाल,श्रीफळ देऊन सत्कार केला.

     दरम्यान मराठा आरक्षण लढा सुरु झाला तेव्हापासून आ.कांदे यांनी  मराठा आरक्षणाला पाठींबा दिला होता.आणि मराठा आरक्षणासाठी प्रसंगी आमदार पदाचा राजीनामा ही देऊ असे स्पष्टपणे सांगितले होते.त्यामुळे मागण्या मान्य होताच ; आमदारांची भेट घेऊन कृतज्ञता व्यक्त केली.